Olne
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Olne (Welsj Ône) is 'n gemèngde in de provincie Luuk in Wallonië op 't Belsj. Op d'r 1sjte juli 2004 how de gemèngde 3808 inwoners op 'n oppervlakte van 15,99 km²
Historie en bekiekenswaeërd
bewirk- Olne hoeërt in de middelieëwe bie 't Graafsjap Dalhem. In dae tied waoërt d'r 'n kesjtieël geboewd, oeë allèng nog e paar biegeboewe va besjteunt. (Kiek bie gravures óp twiede externe leenk).
- De bewoners waore bekaand es nagelmakers en d'r welvaart dae dit aambacht opbrach zörgde d'r vör dat de luuj zich hoezer va zaandsjtèè koese permitere. 't Mieërendèèl van die hoezer is bewaard blaeve.
- De besjermde Seent-Sebastianuskèrk haat 'ne taoëre oet 1548. 't Koeër in Louis XlV-sjtiel (1761). Roond de kèrk liegkt 't kèrkhof. In de kèrkhofmoer ziete ouw kèrkhofkruzer ingemetseld.
- De kèrk van 't gehuch Saint-Hadelin haat èèn sjip en sjtèèt op 'n rots baove de Magne, 'n bie-reveerke van de Vesder. D'r vör sjtèèt 'ne lindeboom oeë-in me naegel hoof in tied va noeëd. Ooch in Voere haat 't zoe 'ne nagelboom, dae in 't bezeunder zow helpe bie taantpieng.