Katholieke Universitèèt Leuve
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
De Katholieke Universitèèt Leuve (kórtweg KU Leuve) is de aodste universitèèt in de Nederlande en de aodste katholieke universitèèt van de waelt. In 1425 waoërt ze gesjtichd dör toedoeë van hertog Jan IV va Brabant en wal per bul van d'r paus. In 1518 sjtichde Erasmus 't Collegium Trilinque ofwaal 't driejtalig college. In dae tied waoërt mèt dae naam de tale Latien, Grieks en Hebreeuws gemeingd. De universitèèt waor lange tied Fraanstalig; in 1911 waoërt 'ne aavaank gemakd mèt de vernederlandsing. In 1936 waor ze twieëtalig en nao d'r ópsjtaand in 1968 is ze Nederlandstalig waoëre. In Louvain-la-Neuve, bie Ottignies, waoërt doe 'n Fraanstalige universitèèt, de UCL, gesjtichd.
