Hoes veur 't Limburgs
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Hoes veur 't Limburgs is 'n organisatie die versjèllende aspekte vaan 't Limbörgs veur 't vootleech bringk en activiteite vaan diverse kleinder organisaties coördineert. 't Hoes weurt deils gesubsidieerd door de provincie Limburg. Anno 2023 is 't nog in de opriechtingsfase. 't Hoes veur 't Limbörgs deit zelf gein nui activiteite, meh zörg wel tot de aongeslote organisaties hun krachte boondele en gei dobbel werk doen. Oetindelek moot dit Hoes ouch ech e fysiek oonderkoume weure, boe me veur dinger dit mèt 't Limbörgs te make höbbe nao touw kin goon.
Inspiratie en opriechting
bewirk't Hoes is geïnspireerd op diverse soortgelieke organisaties in 't Nedersaksisch taolgebeed: 't Huus van de Taol (in Drenthe), 't Hoes van 't Twents en 't Centrum voor Groninger Taal en Cultuur.[1] Die organisaties doen al väöl en höbbe 'n zeker naomsbekindheid. Zoedoende beslote diverse organisaties - Veldeke Limburg, de Raod veur ’t Limburgs, Levende Talen Limburgs (de club veur Limbörgs in 't oonderwies), Cubiss en ’t Hoes veur de Kunste - tot 't in Limbörg ouch zoeget mós geve.[2]
De kerntake vaan 't Hoes zien divers. Me zèt ziech in veur 't behajd vaan 't Limbörgs, meh ouch veur 't oonderzeuk denao. Veur 't ierste meinde me tot 'ne 'professionaliseringsslaag' nujeg waor.[1] Me geit ziech bezeghawwe mèt Limbörgs in 't oonderwies, de kinderopvaank, de wetensjap, de zörg, de media en 't daogeleks leve.[3]
Op 1 aprèl woort Rob Benders oet Tegele beneump tot aonspreekpunt vaan 't centrum.[3]
Bronne
bewirk- ↑ 1,0 1,1 1Limburg - Hoes veur 't Limburgs in oprichting
- ↑ Veldeke Limburg - Väöl animo bij Staotelede veur Hoes veur ’t Limburgs
- ↑ 3,0 3,1 Veldeke Limburg - Hoes veur ’t Limburgs krijg geziech