Existentialisme

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

't Existentialisme is 'n twintjigste-eeuwse filosofische en literair sjtruiming die individueel vrieheid, verantjweurdelikheid en subjectiviteit veuropsjtèlt. 't Existentialisme betrach edere persoon es 'n uniek waeze, verantjweurdelik veur zien eige dade en 't eige lot. De oetdaging van ederen individuele miens is óm - in 't neet-daozeen van 'ne transcendente god - binne zien absurd en zinloos besjtaon zien vrieheid te gebroek veur 'n eige ethos op te boewe en zie besjtaon genóg zin te gaeve. 't Existentialisme belaefde in de jaore 60 van de twintjigste eeuw 'n óngekinde populariteit ónger kunsteneers en intellectuele die zich d'n dinksjtiel en de meneer van laeve van existentialiste wie Jean-Paul Sartre en Simone de Beauvoir eigemaakde.

't Existentialisme wirt geplaats binne de modern filosofie, en concreter de continentaal traditie. 't Existentialisme is ouch sjterk geïnspireerd op de fenomenologie van Edmund Husserl en Martin Heidegger.