Vèsserij
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Vèsserij is 't jaoge op waterbieste en eventueel d'n ougs vaan aander in 't water levende organismes, miestal um economische reies. Vèsserij es economische activiteit is deil vaan de primaire sector, dat deil vaan de economie wat direk mèt natuurleke hölpbronne wèrk. De belaankriekste reie um te vèsse is vangs veur minseleke consumptie; ouch veur industrieprodukte weurt evels vaan de vèsvangs gebruuk gemaak (vaanajds in 't bezunder de walvèsvaart). In väöl aon de kös ligkende plaotse euver de ganse wereld is vèsserij de belaankriekste, dèks bekans insegste, bron vaan inkómste; in polair streke kin 't ouch veur 't achterland d'n einege bron vaan veujing zien (umtot op 't land niks greujt). In de Nederlandse en Belzje kösprovincies weurt vrij väöl aon vèsserij gedoon, en wel op de Noordzie.
