Wikibrónne
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Wikibrónne (orzjineel Ingels Wikisource) is 'n online virtueel bibliotheek veur rechtevrij teksbronne. 't Is e perjek vaan de Wikimedia Foundation. Wie zien zösterprojekte (boe-oonder 't bekinder Wikipedia) is 't 'ne wiki, boe edereine vrij tekste aon kin touwveuge. 't Perjek woort gelanceerd op 24 november 2003 oonder de naom Project Sourceberg, e woordspeul op 't bekinder (en neet vrij bewèrkbaar) Project Gutenberg. Op 6 december vaan datzelfde jaor woort de naom veraanderd nao Wikisource.
Wikisource versjèlde in 't begin vaan aander Wikimediadeenste doortot alles op einen houp woort geveeg. 't Projek booj tekste in diverse taole aon, meh waor neet in mie es ein taol besjikbaar. In augustus 2004 kaom wel 'n speciaol Hebreeuwse versie online, umtot dees taol vaan rechs nao links weurt geleze en daorum veur de software neet praktisch waor. Oetindelek besloot me 't projek mer gans oet te splitse. Op 23 augustus 2005 kaome al 14 taolversies online. Aandere volgde in de jaore daonao; heiveur mós 't gebrukelek paad veur 't aonvrage vaan nui wiki's weure gevolg.
'n Limbörgse versie besteit sinds 26 mei 2008.[1] Ind december 2019 had dit projek 1.885 artikele.[2]
Bronne
[bewirk | brón bewèrke]Dit artikel baseert ziech op 't corresponderend Ingelstaoleg artikel, en wel in dees versie.
Rifferenties
[bewirk | brón bewèrke]Extern links
[bewirk | brón bewèrke]
