Las Vegas (stad)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Las Vegas (Spaons veur De Weie) is 'n stad in Nevada (VS) en de hoofplaots vaan Clark County. Las Vegas is veural bekind um häör casino's en hotèls. 't Hart vaan de amusemintsindustrie, de Las Vegas Strip, ligk evels boete de stadsgrenze en huurt bij de gehuchte (unincorporated communities) Paradise en Winchester.

In 1905 woort Las Vegas gestiech en in 1911 kraog 't stadsrechte. In 1920 had Las Vegas 2.304 inwoeners. Tot 1980, wie de stad 164.674 inwoeners had, bleef Las Vegas e stedsje in 't graofsjap Lincoln. Umtot Las Vegas 't centrum begos te weure vaan 'n väöl te groet graofsjap, woort in dit jaor Las Vegas de hoofplaots vaan 't nui graofsjap, Clark. Wie Las Vegas tien jaor later, in 1990, mèt 56,9% waor gegreuid, had 't 258.295 inwoeners. De Las Vegas Strip is allewijl 'ne straot vaan 6,4 kilometer en daoneve is de stad väöl groeter gewore.

Volges de census vaan 2006 heet Las Vegas 552.539 inwoeners en is daomèt mèt 15,5% gegreujd binne zès jaor.

Vaan de bevolking is 11,6% awwer es 65 jaor en besteit voor 25% uit einpersoenshoeshawwes. De werkeloesheid bedreug 4,1%.

Oongeveer 23,6% vaan de bevolking vaan Las Vegas besteit oet hispanics en latino's, 10,4% is vaan Afrikaanse oersprunk en 6,8% vaan Aziatische oersprunk.

  Dit artikel is e sjtumpke. De kans Wikipedia helpe door 't aan te völle