Bennebroek
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Bennebroek is e dörp en 'n veurmaolege gemeinte in de Nederlandse provincie Noord-Holland, aon de grens mèt Zuid-Holland, mèt (1 juli 2006) 5134 inwoeners en 'n oppervlak vaan 1,75 km2. Daomèt waor 't op 't memint vaan opheffing in oppervlak de kleinste gemeinte vaan Nederland.
Bennebroek is veural bekind vaan de speultuin de Linnaeushof, bekind es de "groetste speultuin vaan Europa". De bevolking wèrkde veural boete de gemeinte.
Op 1 januari 2009 woort de gemeinte Bennebroek beïndeg en touwgeveug aon Bloemendaal.