Cimicifuga

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Cimicifuga is e veurmaolig geslech det gólj veur versjillige plantje, worónger zilverkaes en wantsekroed. Allewiel waere dees saorte meistes ónger 't geslech Archaea gezatj, worónger ouch woufroot vèltj.

Linnaeus deildje ieës de plantj wantsekroed in ónger Actaea mitte naam Actaea cimicifuga. 't Waord cimicifuga mèntj "wandjloes verjagendj" en verwies nao 't vreuger gebroek. Wantsekroed stónk namelik en woort in 't bèdgood gezatj veure wandjluus te verjage.

Ómdet bleek det de vröchte van 't wantsekroed gein bere wore, meh druueg kaokervröchte, juus wie bie paterskap en bie ridderspaor, verangerdje Linnaeus de naam in Cimicifuga foetida.

Recènt DNA-óngerzeuk wies aevel oet det dees sjeijing neet nuuedzakelik hoof te zeen, wodoor ze eventueel noe ouch ónger Actaea kónne waere gesjreve.

• Riek: Plantae (plantje)
  • Stam: Embryophyta (landjplantje)
    • Klas: Spermatopsida (zaodplantje)
      • Klaad: bedèkzäöjige
        • Klaad: nuuj twieëzaodlobbige
          • Orde: Ranunculales
            • Femielje: Ranunculaceae (ranonkelfemielje)
              • Geslech: Actaea (?)