Sculta de Mesopotamia antica

La sculta de Mesopotamia ia survive en la arcivo arceolojial de sosias temprana de la milenio des aec a la cultures de la eda de bronze de la imperos de sumer, acad, babilonia, e asiria. Esta imperos ia es recambiada en la eda de fero par los de neoasiria e neobabilonia. Como la cuna de sivilia, Mesopotamia ia trae developas cultural multe sinifial, incluinte la esemplos la plu vea de scrive. La sculta la plu comun ia es formas de sculta en petro e arjila. No multe depinta survive, ma la plu de scultas ia es ance pintada.

Sculta de Mesopotamia survive en multe formas: selos silindre con detalias pico, scultas de persones e animales peti, e relevas de grandias variosa, incluinte seramicas barata per la casa, alga relijiosa e otra no. Sujetos favoreda inclui dios, solitar o con adorores, e animales en senas variosa: repeteda en linias, solitar, luta con lunlotra o con un person, animales con un dio o person, o un arbor de vive. En e sirca la templos, on ia pote trova blocos e colonas de petra, con relevas representante ofres de adora, o onoras per vinses, o mostrante festas grande.