Tarja Halonen

D'Tarja Kaarina Halonen [ˈtɑrja ˈhɑlɔnɛn], gebuer de 24. Dezember 1943 zu Helsinki a Finnland, ass eng finnesch Politikerin.

Tarja Halonen
Gebuertsnumm	Tarja Kaarina Halonen
Gebuer	24. Dezember 1943 Helsinki
Nationalitéit	Finnland
Aktivitéit	Politiker, Affekot
Member vun	Parlamentaresch Versammlung vum Europarot, Club de Rome

Si ass zanter 1971 Member vun der Sozialdemokratescher Partei vu Finnland, fir déi se vun 1977 bis 1996 am Gemengerot vun Helsinki a vun 1979 bis 2000 Deputéiert am finnesche Parlament war.

Vun 1987 bis 1990 war si Ministesch fir Soziales a Gesondheet, vun 1989 bis 1991 Ministesch fir déi skandinavesch Zesummenaarbecht, vun 1990 bis 1991 Justizministesch a vun 1995 bis 2000 Ausseministesch.

D'Tarja Halonen war, vum 1. Mäerz 2000 bis den 29. Februar 2012, Presidentin vu Finnland an éischt Fra an deem Amt.