Food for Your Senses

De Festival ass aus dem Festival Rock de Stéier ervirgaangen, dee vum Club des Jeunes Tuntange vun 2002 - 2006 zu Tënten am Keller vun der Primärschoul organiséiert gouf. Well ëmmer méi Visiteure komm sinn ass decidéiert ginn, dem Festival méi en treffenden Numm ze ginn an d'Plaz ze wiesselen, en ass awer ëmmer nach zu Tënten organiséiert ginn. Zanter 2009 ass d'"Food For Your Senses asbl" fir d'Organisatioun zoustänneg.

Well d'Plaz zu Tënten wéinst deem grousse Succès am Joer 2012 nees ze kleng gouf, hunn d'Organisateuren de Festival 2013 op Biissen verluecht. 2015 huet nees missen eng aner Plaz fonnt ginn, an de Festival gouf, an engem ofgeännerte Format an ënnert dem Numm Capital Sounds, an d'Rotonden hannert der Stater Gare verluecht.

Nodeems och déi Veranstaltung 2016 huet missen ofgesot ginn, gouf am Oktober 2016 bekannt gemaach, datt fir d'Joer 2017 de Festival um Boulevard Pierre Frieden um Kierchbierg geplangt wier.^[3]

Am Dezember 2018 hunn d'Organisateure matgedeelt, datt déi lescht Editioun vum Festival am Fréijoer 2019 sollt organiséiert ginn.^[1] Dat well d'Organisateuren eng kleng Grupp vu Frënn tëscht 30 a 35 Joer wieren, deenen déi organisatoresch Erausfuerderungenze vill géife ginn. Si géife sech elo hire beruffleche Karriären an hire Kanner widmen.^[2] Déi lescht Editioun vum Festival war deementspriechend am Mee 2019 um Kierchbierg.

Déi éischt Editioun vum Food For Your Senses war de 25. Mee 2007. Et goufen am Ganzen 3 Bünen, eng an der Sportshal zu Tënten, déi zweet an engem Zelt um selwechte Site an déi drëtt am Clubroom vum Club des Jeunes. Am Ganze waren ëm déi 1.500 Leit present an et hunn 19 Gruppe gespillt:

Fir déi zweet Editioun vum Festival goufen zwéin Deeg fixéiert, an zwar den 10. an den 11. Mee 2008. Genee wéi bei där éischter Editioun, gouf et erëm 3 Bünen, allerdéngs war déi 3. Bün net méi an der Tëntener Sportshal, mä déi Kéier am Schoulhaff vun der Tëntener Primärschoul. Et hunn dat Joer 41 Gruppe gespillt, dat waren der méi wéi dat Duebelt vum éischte Joer:

Well d'Concerten zwéin Deeg gedauert hunn, gouf e Camping an der Géigend vum Site amenagéiert wou d'Visiteuren iwwernuechte konnten. Do goufen 2008 ëm déi 450 Zelter opgeriicht. De Camping gëllt haut als e wichtegen Deel vum Festival, vill Leit ginn net wéinst der Musek op de Festival, mä wéinst der gudder Stëmmung um Camping.

Déi 3. Editioun vum Festival huet 3 Deeg gedauert, an zwar vum 27. bis den 29. Mee. Am Ganze goufen iwwer 1.500 Leit pro Dag gezielt. Nieft den 83 Gruppen, déi opgetruede sinn, gouf och den neien offizielle Logo vum Festival presentéiert. Dat war och déi éischt Editioun, wou net nëmme Bands, mä och DJ'en opgetruede sinn.

Déi 4. Editioun vum Festival huet 3 Deeg gedauert, an zwar vum 21. bis den 23. Mee. Am Ganze sinn iwwer 90 Bands opgetrueden. Headliner waren déi spuenesch Ska-Band The Locos an déi New Yorker Ska-Punk-Band Star Fucking Hipsters. Méi wéi 6000 Spectateure waren um Rendez-vous.

a vill aner.

Déi 5. Editioun vum Festival huet 3 Deeg gedauert, an zwar vum 27. bis den 29. Mee. Am Ganze sinn iwwer 80 Bands opgetrueden. Headliner waren déi däitsch Deathmetal-Band We Butter The Brad With Butter, d'Electro-Punk-Band Frittenbude an d'Punk-Rock-Band Turbostaat. Méi wéi 4500 Spectateure waren um Rendez-vous. Lues a lues etabléiert sech de Festival als Festival mat internationaler Renommée.

a vill aner.

Och déi 6. Editioun huet nees 3 Deeg gedauert, vum 25. - 27. Mee 2012. Op 3 Büne sinn déi follgend Gruppen opgetrueden:

Den 1. Dag:

Den 2. Dag:

Den 3. Dag:

Déi 7. Editioun gouf dat Joer fir d'éischt Kéier op Biissen verluecht an huet nees dräi Deeg gedauert, vum 17. - 19. Mee 2013. Op 3 Büne sinn déi follgend Gruppen opgetrueden:

Den 1. Dag:

Den 2. Dag:

Den 3. Dag:

Déi 8. Editioun war nees dräi Deeg, an zwar vum 25. - 27. Juli 2014 zu Biissen.

Den 1. Dag:

Den 2. Dag:

Den 3. Dag:

Am Abrëll gouf de Festival a senger Form, wéi e bis ewell war, ofgesot, well keng Plaz konnt fonnt ginn, déi den Ufuerderungen entsprach huet. Als Alternativ gouf an de Rotonden e Festival mam Numm Capital Sounds op d'Been gesat, deen do vum 24. bis de 26. Juli 2015 mat enger 25 Bands ofgehale gouf. Dorënner sinn: Mighty Oaks, Wanda, de Jack Garratt, Monophona, Natas Loves You, den Dillendub-Trio, Wallace Dace a Cyclorama. ^[4]

Déi 9. Editioun vum FFYS war vum 4. bis 6. August um Kierchbierg.

Follgend Gruppe sinn opgetrueden:

Am Januar 2018 ass annoncéiert ginn, datt et dat Joer keng Editioun vum Festival sollt ginn.^[5]

Déi lesch Editioun vum FFYS war de Weeekend vum 25. a 26. Mee 2019 um Kierchbierg. Ënnert dem Titel "Funeral Feast" sinn haaptsächlech lëtzebuergesch Gruppen opgetrueden.^[2]

Déi bekannt Lëtzebuerger Rockgrupp Eternal Tango, déi sech 2012 opgeléist hat, huet fir de FFYS 2019 e klenge Comeback gemaach.^[6]

Follgend Gruppe sinn 2019 opgetrueden:^[7]

• D'Websäit vum Festival

1. ↑ ^{1,0 1,1} lessentiel.lu: Aus für Musikfestival «Food for your Senses» (2. Dezember 2018)
2. ↑ ^{2,0 2,1 2,2} wort.lu: Das "Food For Your Senses" Line-up ist da (17. Mee 2019)
3. ↑ wort.lu: Zukunft für „Food For Your Senses" auf dem Kirchberg (12. Oktober 2016)
4. ↑ wort.lu: Capital Sounds sur les rails. (4. Juni 2015).
5. ↑ journal.lu: Kein „Food For Your Senses“ 2018 (29. Januar 2018)
6. ↑ paperjam.lu: Food For Your Senses, la dernière! (24. Mee 2019)
7. ↑ tageblatt.lu: Das beste kommt zum Schluss: Das gibt es beim letzten „Food For Your Senses“-Festival (17. Mee 2019)