Richard C. Sarafian

De Richard C. Sarafian, gebuer als Richard Caspar Sarafian den 28. Abrëll 1930 zu New York City a gestuerwen den 18. September 2013 zu Santa Monica a Kalifornien, war en US-amerikanesche Filmregisseur, Schauspiller, Dréibuchauteur a Filmproduzent.

Richard C. Sarafian
Gebuer	28. Abrëll 1930 New York
Gestuerwen	18. September 2013 Santa Monica
Doudesursaach	Longenentzündung
Nationalitéit	USA
Educatioun	New York University
Aktivitéit	Filmregisseur, Dréibuchauteur, Filmproduzent, Filmschauspiller
Member vun	WGA West
Famill
Kanner	Tedi Sarafian, Deran Sarafian

De Sarafian hat säi Filmdebut als Regisseur am Joer 1961 mat Episode vu verschiddenen Televisiounsserien. Hien huet mat Terror at Black Falls 1962 säin éischte Kinosfilm gedréit.

Zu senge wichtege Filmer zielen de Roadmovie Vanishing Point (1971) mam Barry Newman an zwéi Western Man in the Wilderness (1971) mam Richard Harris a John Huston an The Man Who Loved Cat Dancing (1973) mam Burt Reynolds an der Sarah Miles.

Säi leschte Film als Regisseur war Solar Crisis (1990) mam Tim Matheson a Charlton Heston deen awer ënner dem Pseudonym Alan Smithee eraus koum, well hie mam Schnëtt vum Film net zefridde war.

De Richard Sarafian war mat der Helen Joan Altman, der Schwëster vum Filmregisseur Robert Altman bestuet. De Filmregisseur Deran Sarafian ass hire Jong.