Raf Vallone

De Raf Vallone, gebuer als Raffaele Vallone de 17. Februar 1916 zu Tropea a Kalabrien, a gestuerwen den 31. Oktober 2002 zu Roum, war en italieenesche Foussballspiller, Journalist, Film- an Theaterschauspiller an Theaterregisseur.

Raf Vallone
Gebuertsnumm	Raffaele Vallone
Gebuer	17. Februar 1916 Tropea
Gestuerwen	31. Oktober 2002 Roum
Nationalitéit	Italien, Kinnekräich Italien
Aktivitéit	Foussballspiller, Journalist, Theaterschauspiller, Filmschauspiller, Partisan
Positioun oder Spezialitéit	Mëttelfeldspiller
Veräin/Ekipp	Novara F.C., FC Turin, FC Turin
Famill
Bestuet mat	Elena Varzi
Kanner	Eleonora Vallone, Saverio Vallone

De Raf Vallone huet Droit a Philosophie op der Universitéit zu Turin studéiert. Hien huet duerno professionell Foussball beim FC Turin gespillt.

Hien huet, no engem éischte Film am Joer 1942, seng Filmcarrière am Joer 1949 mam Film Riso amaro vum Giuseppe De Santis richteg ugefaangen. Am Kino ass hien a villen italieeneschen awer och a villen internationale Filmer opgetrueden.

Bedeitend Filmer a senger Carrière sinn Thérèse Raquin (1953) vum Marcel Carné, Rose Bernd (1957) vum Wolfgang Staudte, La ciociara (1960) vum Vittorio De Sica, El Cid (1961) vum Anthony Mann an The Cardinal (1963) vum Otto Preminger.

Hie war vun 1952 bis zu sengem Doud am Joer 2002 mat der Schauspillerin Elena Varzi bestuet. Zwee vun hiren dräi Kanner d'Eleonora Vallone an de Saverio Vallone sinn och Schauspiller.