Groussregioun

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Zur Groussregioun ziele 5 Regiounen aus 4 verschiddene Länner:

• d'Saarland (D)
• Rheinland-Pfalz (D)
• Loutrengen (F)
• Wallounien (B)
• Lëtzebuerg (L)

D'Groussregioun läit tëscht dem Rhäin, der Musel, der Saar an der Meuse. Si ëmfaasst eng Fläch vu ronn 65.000 km² an zielt 11,2 Milliounen Awunner (ongeféier 2,5 % vun der Gesamtpopulatioun vun der EU).

Institutiounen aus der Groussregioun schaffen zesumme fir d'economesch a politesch Kooperatioun an d'Partnerschaften tëscht de verschiddenen Acteuren ze verbesseren. Dofir ënnerhalen d'Partnerregiounen en Haus vun der Groussregioun. Dat ass, nodeems et zënter dem Enn vun den 1990er Joren an der Stad Lëtzebuerg war, zënter Juni 2015 zu Esch-Uelzecht nieft der Gare installéiert. 28 Leit schaffen do.^[1]

D'Groussregioun war 2007 europäesch Kulturhaaptstad ënner dem offiziellen Titel "Lëtzebuerg a Groussregioun, europäesch Kulturhaaptstad 2007".