Eusébio

Den Eusébio da Silva Ferreira, gebuer de 5. oder 25. Januar 1942 zu Lourenço Marques am Mosambik, a gestuerwen de 5. Januar 2014 zu Lissabon, war e portugisesche Foussballspiller.

Eusébio
Gebuertsnumm	Eusebio da Silva Ferreira
Gebuer	25. Januar 1942 Maputo
Gestuerwen	5. Januar 2014 Lissabon
Doudesursaach	Häerzschwächt
Nationalitéit	Portugal
Aktivitéit	Foussballspiller, Sportler
Positioun oder Spezialitéit	Stiermer
Gréisst	175 cm
Gewiicht	73 kg
Veräin/Ekipp	SL Benfica, Portugisesch Foussballnationalekipp

Als Uspillung op seng kazenaarteg Spillweis gouf den Eusébio vum englesche Journalist Desmond Hackett "Pantera Negra" (Schwaarze Panther) genannt. Hien huet zu de golgeféierlechste Stiermer vun der Foussballgeschicht gehéiert a war dat gréisst Sportleridol vu Portugal. 15 Joer laang huet e fir Benfica Lissabon gespillt an dem Klub seng bis ewell erfollegräichst Ära geschenkt (ë. a. zéngmol Meeschter, fënnef Pokalvictoiren an eemol Gewënner vum Europapokal vun de Landesmeeschter). Mat 474 Flichtspillgoler hält e bei Benfica de Rekord.

Bei der Weltmeeschterschaft 1966 war den Eusébio mat néng Goler bei wäitem dee beschte Spiller vum Turnéier, an en huet sengem Land sou op d'mannst nach déi drëtt Plaz geséchert.