Eldorado (Film 2016)

De Film weist, iwwer 3 Joer, d'Hoffnungen an d'Desillusioune vun dräi Portugisen an engem Kapverdianer, déi op Lëtzebuerg ausgewandert sinn, fir do en neit Liewen unzefänken, wat awer net esou einfach an deem vermeintlechen Eldorado ass, wéi een dat hätt kënne mengen....

De Film suivéiert iwwer eng Period vun dräi Joer de Fernando, e Mann am Mëttleren Alter op der Sich no Aarbecht, de Carlos, deen duerch d'Justiz verurteelt gouf an um Wee fir an d'Rehabilitatioun ass, de Jonathan, e Jugendleche mat Schoulproblemer an op der Sich no enger berufflecher Identitéit, an d'Isabel, déi vun hirer schwiereger Vergaangenheet heemgesicht gëtt.

Um Filmfestival vu Coimbra (Caminhos do Cinema Português) krut de Film 2016 de Präis vum Beschten Documentaire, de Präis vun der Press an "Präis Don Quijote".

Eldorado war och an der Kategorie "Beschte Laangfilm-Documentaire" bei de fënnefter Editioun vun den Trophées francophones du cinéma nominéiert, déi am Dezember 2007 zu Yaoundé am Kamerun organiséiert goufen.^[1]

Donieft gouf de Film um Internationalen Documentairefilmfestival vun Taiwan gewisen.^[2]

• Eldorado op samsa.lu
• Eldorado op luxfilmfest.lu

1. ↑ paperjam.lu: «Foreign Affairs» et «Eldorado» aux Trophées francophones (29. November 2017)
2. ↑ De Film um Site vum Taiwan International Documentary Film Festival