Bréck vu Stolzebuerg

D'Bréck vu Stolzebuerg ass eng däitsch-lëtzebuergesch Grenzbréck mat engem Wier iwwer d'Our tëscht Stolzebuerg zu Lëtzebuerg a Käppessen an Däitschland.

Bréck vu Stolzebuerg

Bréck a Wier vu Stolzebuerg
Geographie
Land	Lëtzebuerg Däitschland
Plaz	Stolzebuerg Käppessen
Flosskilometer	20,080
Koordinaten	49° 57’ 48.0’’ N° 06’ 10’’ 11.3 49° 57’ 48.7’’ N° 06’ 10’’ 13.4
Chronologie
Baujoer	< 1815
Zerstéiert	1944
Rekonstruktioun	1956
Ofgerappt	1961
Neibau	1963
Funktioun
Benotzt als	Stroossebréck
Fuerspueren	1
Uschloss un	N 10E K47
Féiert iwwer	Our
Technesch Detailer
Bréckentyp	Dunnebréck
Längt tëscht Widderlager	51,15 m
Felder/Béi	3
Feldbreet(en)	16,00 - 16,00 - 13,65 m
Breet	2,50 m (Fuerbunn) 4,30 m (iwwer alles)
Material	Arméierte Bëtong
Bemierkungen
Bauhär	SEO
Ënnerhalt	Lëtzebuerg Äifelkrees Béibreg-Prüm

Si ass 1963 a Betrib geholl ginn an huet eng Bréck ersat déi eréischt 1956 gebaut gi war.

Déi nei Bréck ass eng Dunne-Plackebréck aus arméiertem Bëtong mat 4 Dunnen iwwer déi zwee Felder iwwer dem Wier, an eng normal arméiert Bëtongsplack iwwer d'Feld dat op der däitscher Säit ustéisst. Se ass am arméierte Bëtong gebaut an ass 51,15 m laang. Déi 2 Feldwäiten um Damm sinn allen zwou 16 m laang.

D'Tëschewier iwwer dat d'Bréck féiert huet zwou automatesch gesteiert Wierpaarten, an am Wier lafen zwou Kaplanturbinne bei enger Waasserspigeldifferenz vun 3 Meter an engem Duerchfloss vun 2 Meter Kibb an der Sekonn pro Turbinn, woubäi all Turbinn 32,5 Kilowatt leescht.

D'Nopeschbrécke sinn d'Bréck vu Gemünd (flossop) an d'Foussgängerbréck bei der SEO (flossof).