Wiesselcoursmechanismus II

Kaart vun den Europäesche Staaten mam Bezug zum Euro (Stand 1. Januar 2023)
**Hellblo:** Eurozon
**Orange:** WCM-II-Member, mat engem Opt-out
**Hellgréng:** WCM-II-Member
**Giel:** EU-Memberen, déi den Euro aféiere mussen
**Rosa:** Länner, déi den Euro mat offiziellem Accord agefouert hunn
**Gréng:** Länner, déi den Euro vu sech aus als Wärung agefouert hunn

De Wiesselcoursmechanismus II (ofgekierzt WCM II; (Englesch: European Exchange Rate Mechanism II, ERM II) ass zanter dem 1. Januar 1999 e Wiesselcourssystem, deen tëscht verschiddenen EU-Länner besteet. De WCM II leet eng Bandbreet vu ± 15 Prozent un de Leetcours vun der Wärung vun engem WCM II-Member op den Euro fest.

Den Europäesche Wärungssystem II (EWS II), ass den Nofollger vum Europäesche Wärungssystem (EWS), dee vum 13. Mäerz 1979 bis den 31. Dezember 1998 bestoung.

Den Ament si Bulgarien an Dänemark am WCM II. Ee vun de Konvergenzkrittären ass, datt e Land op d'mannst zwee Joer am WCM II si muss, ier et den Euro aféiere kann.

Memberen

Aktuell Memberen

Membere vum Wiesselcoursmechanismus II
Land	Wärung	ISO 4217	Leetcours (1 EUR =)	D'Garantéiert Wiesselcoursbandbreet	WCM-II-Bäitrëtt	Spärdelai fir d'Euro-Aféierung	(Geplangten) Euro-Aféierung
Bulgarien	Bulgaresche Lew	BGR	1,95583	± 15 % (béidsäiteg)	10. Juli 2020	ofgelaf	1. Januar 2026
Dänemark	Dänesch Kroun	DKK	7,46038	± 2,25 % (béidsäiteg)	1. Januar 1999	ofgelaf	keng aktuell Pläng

Nach net bäigetrueden EU-Länder

Fënnef Membere vun der EU sinn nach keng Membere vun der Eurozon oder dem WCM II: Polen, Rumänien, Schweden, Tschechien an Ungarn. Déi fënnef EU-Memberen hu sech verflicht, den Euro anzeféieren.

Kaart vun den EU-Wärungen (Stand: 1. Januar 2023)

Zukünfteg Memberen vum WCM II
Land	Wärung	ISO 4217	Ëmrechnungscours (1 EUR =)	Geplangt
Polen	Złoty	PLN	4,2835	Kee Bäitrëtt geplangt
Rumänien	Rumänesche Leu	RON	4,9677	Bäitrëtt fir 2027 geplangt (Euro-Aféierung fir 2029 geplangt)
Schweden	Schweedesch Kroun	SEK	11,526	Kee Bäitrëtt geplangt
Tschechesch Republik	Tschechesch Kroun	CZK	25,286	Kee Bäitrëtt geplangt
Ungarn	Forint	HUF	390,1	Kee Bäitrëtt geplangt

Fréier Memberen

De WCM II huet sech als e stabilt Wiesselcoursarrangement erwisen. Zanter 1999 huet nëmmen de Leetzëns vun der Slowakescher Kroun zweemol missen ugepasst ginn. D'Leetcourse vun den aacht weidere Länner, déi den Euro agefouert hunn, huet wärend der WCM-II-Memberschaft net misse geännert ginn.

Fréier Memberen vum Wiesselcoursmechanismus II
Land	Wärung	ISO 4217	WCM-II-Bäitrëtt	Euro-Bäitrëtt	Ëmrechnungscours (1 EUR =)
Estland	Estesch Kroun	EEK	27. Juni 2004	1. Januar 2011	15,6466
Griicheland	Griichesch Drachme	GRD	1. Januar 1999	1. Januar 2001	340,750
Kroatien	Kroatesch Kuna	HRK	10. Juli 2020	1. Januar 2023	7,53450
Litauen	Lettesche Lats	LVL	29. Abrëll 2005	1. Januar 2014	0,702804
Lettland	Litauesche Litas	LTL	28. Juni 2004	1. Januar 2015	3,4528
Malta	Malteesesch Lira	MTL	29. Abrëll 2005	1. Januar 2008	0,429300
Slowakei	Slowakesch Kroun	SKK	28. November 2005	1. Januar 2009	30,1260*
Slowenien	Sloweeneschen Tolar	SIT	27. Juni 2004	1. Januar 2007	239,640
Zypern	Zypriotescht Pond	CYP	29. Abrëll 2005	1. Januar 2008	0,585274

* entsprécht dem leschten an zanter dem 29. Mee 2008 gëltegen, WCM-II-Leetcours (Leetcours vum 19. Mäerz 2007 bis den 28. Mee 2008: 35,4424; virdrun: 38,4550)

Kuckt och