Siegfried I. vu Lëtzebuerg

Siegfried I. vu Lëtzebuerg
Siegfried I. vu Lëtzebuerg
Titelen
	Ardennegrof [?] an eventuell Grof zu Lëtzebuerg (den Titel "Grof vu Lëtzebuerg" kënnt réischt e puer Generatioune méi spéit op)
Zäit	vun 963 bis 998
Virgänger	-
Nofollger	Heinrich I.
Biographie
Gebuer	919
Gestuerwen	28. Oktober 998; Abtei Sankt Maximin Tréier
Bestuet mat	Hedwig vum Nordgau
Papp	Wigerich vun Ardennen
Mamm	Kunigunde vu Verdun
Geschwëster	Adalbero vu Metz, Friedrich vu Loutrengen, Gozelo, Giselbert, Liutgarde vun Ardennen
Kanner	Heinrich I. vu Lëtzebuerg, Friedrich vu Lëtzebuerg, Thierry vu Lëtzebuerg, Kunigunde vu Lëtzebuerg, Luitgard, Adalbero vu Lëtzebuerg, Giselbert, Eva vu Lëtzebuerg

Den "Ardennegrof" Siegfried I. ((fr) Sigefroi oder Sigefroid), gebuer ëm 919^[1] a gestuerwen den 28. Oktober 998 an der Räichsabtei St. Maximin zu Tréier, gëllt als Grënner vun der Grofschaft Lëtzebuerg.

Liewen

De Siegfried, dee, wéi et schéngt, gutt Verbindunge souwuel zu de leschte Karolenger am Weste wéi och zu den Ottonen am Osten hat, war Vogt vum Klouschter Iechternach a vun der Räichsabtei St. Maximin vun Tréier.

Ëm 963^[2] huet hie mat dem Abt Wikerus vun der Räichsabtei St. Maximin vun Tréier en Tosch ausgemaach: seng Lännereien zu Feelen géint dem Klouschter säi Bockfiels mam Réimerkastell Lucilinburhuc. An deem Tauschdokument ass den Numm Lucilinburhuc fir d'éischt opgedaucht^[3].

De Siegfried huet um Bock eng Buerg baue gelooss^[4], déi geschwë Lützelburg oder (lokal) Lëtzebuerg genannt gouf, wat dann och dem haitege Lëtzebuerger Land den Numm ginn huet. De Choix fir seng Buerg do bauen ze loossen, war gutt iwwerluecht. Deemools bestoung an Europa eng gewëssen Onsécherheet duerch d'Gefor vu Privtakricher, dem Risk vum Muechtverloscht vun de Karolenger oder der Invasioun vun den Normannen oder Ungarn. Am Fall vun engem Ugrëff huet déi isoléiert Lag um Bock et erlaabt, sech géint eng Attack mat Belagerungsinstrumenter zeréckzezéien. Doriwwer eraus konnt ee vum Bock aus och déi zwéi fréier Kiemen (Reims - Tréier a Metz - Éislek) déi sech um Fëschmaart gekräizt hunn, gutt iwwerwaachen^[5].

D'Joer drop, 964, huet de Siegfried vum Tréierer Äerzbëschof Heinrich Lännereie bei Saarburg kaaft an do d'Buerg Saarbuerg iwwerholl.

Famill

De Siegfried war de Jong vum Pfalzgrof Wigerich vu Loutrengen, Grof am Tréier-, Bid- an Ardennegau, a senger Fra Kunigunde, Gräfin vu Verdun a Kandskand vum Kinnek Louis den Tuddler.

Hien huet d'Hedwig vum Nordgau bestuet, mat där hien eelef Kanner hat, dorënner:

Luitgard (955 - 1005), 980 bestuet mam Grof Arnulf vun Holland
Heinrich I. (960 - 1026), Grof vu Lëtzebuerg
Friedrich (965 - 1019)
Eva (970 - 1029), 1000 bestuet mam Grof Gerhard vun Elsass
Kunigunde (978 - 1039), 1001 bestuet mam spéidere Keeser Heinrich II.
Thierry (? - 1047), Bëschof vu Metz
Giselbert (? - 1004)
Adalbero (? - 1037), Äerzbëschof vun Tréier

Éierung

Fir un den Siegfried z'erënneren, goufen eng Partie Strukturen zu Lëtzebuerg no him genannt:

Rue Comte Sigefroi zu Iechternach,
Rue Sigefroi zu Beetebuerg, Bieles, Mamer an an der Stad Lëtzebuerg.

Literatur

Haag, Emil, 2011. Sigefroi ^*922 ^†998: la naissance de la ville forteresse, In: Une réussite originale - Le Luxembourg au fil des siècles; Lëtzebuerg (Éditions Guy Binsfeld), 2011; 576 Säiten (ill.); ISBN 978-2-87954-235-5, Ss 84-89.
Margue, Michel, 2003. Du Comté à l'Empire: origines et épanouissement du Luxembourg. In: Histoire du Luxembourg. Le destin européen d'un « petit pays ». Sous la direction de Gilbert Trausch. S. 67-147. Éditions Privat, Toulouse. ISBN 2-7089-4773-7
Klein, René, 2001. Wer waren die Eltern von Graf Sigfrid?: eine neue Hypothese zum Ursprung des ersten Luxemburger Grafenhauses. In: Tempus edax rerum: le bicentenaire de la Bibliothèque nationale de Luxembourg (1798-1998). Luxembourg: Bibliothèque nationale, S. 163-170.

Kuckt och

Um Spaweck

Commons: Siegfried I. vu Lëtzebuerg – Biller, Videoen oder Audiodateien

Virgänger:
-

Grof vu Lëtzebuerg
963 - 998

Nofollger:
Heinrich I.

Referenzen

↑ Michael Margue: Siegfried I.. an: Neue Deutsche Biographie (NDB). Band 24, Duncker & Humblot, Berlin 2010, ISBN 978-3-428-11205-0, S. 346 f.
↑ den Datum um Akt ass net richteg, vgl. M. Margue & M. Pauly
↑ Savin, C., & Luxembourg Service des sites et monuments nationaux. (2007). « Luxembourg, histoire et mémoire d'une ville fortifiée. » - 1. Le développement de la ville de Luxembourg dans l'espace carolingien, S. 10.
↑ Gerry Erang, Did you know that a deal with the devil led to the foundation of Luxembourg City? op RTL Today, 15.9.2019
↑ Savin, C., & Luxembourg Service des sites et monuments nationaux. (2007). « Luxembourg, histoire et mémoire d'une ville fortifiée. » - 2. Le château féodal du Xe siècle, S. 10.

[1] Michael Margue: Siegfried I.. an: Neue Deutsche Biographie (NDB). Band 24, Duncker & Humblot, Berlin 2010, ISBN 978-3-428-11205-0, S. 346 f.

[2] Datum um Akt ass net richteg, vgl. M. Margue & M. Pauly

[3] Savin, C., & Luxembourg Service des sites et monuments nationaux. (2007). « Luxembourg, histoire et mémoire d'une ville fortifiée. » - 1. Le développement de la ville de Luxembourg dans l'espace carolingien, S. 10.

[4] Gerry Erang, Did you know that a deal with the devil led to the foundation of Luxembourg City? op RTL Today, 15.9.2019

[5] Savin, C., & Luxembourg Service des sites et monuments nationaux. (2007). « Luxembourg, histoire et mémoire d'une ville fortifiée. » - 2. Le château féodal du Xe siècle, S. 10.

[1]

[2]

[3]

[4]

[5]