Gustave Courbet
| Gustave Courbet | |
|---|---|
 | |
| Gebuer | 10. Juni 1819 |
| Gestuerwen |
31. Dezember 1877 La Tour-de-Peilz |
| Doudesursaach | Häerzschlag |
| Nationalitéit | Frankräich |
| Aktivitéit | Moler, Sculpteur, Zeechner, visuelle Kënschtler |
| Famill | |
| Geschwëster | Juliette Courbet |
 | |
De Gustave Courbet, gebuer den 10. Juni 1819 zu Ornans am Departement Doubs, a gestuerwen den 31. Dezember 1877 zu La Tour-de-Peilz an de Schwäizer Kanton Vaud, war e franséische Moler.
De Gustave Courbet huet d'Molerei autodidaktesch geléiert andeems hien d'Natur studéiert a sech d'Biller am Louvre ugekuckt huet. De Courbet war 1840 op Paräis komm an hien ass duerch seng revolutionär an antiklerikal Astellung, déi een och an e puer vu senge realistische Biller erkenne kann, zum Géigner vum napoleonesche Regime ginn. Als Member vun der Paräisser Commune ass hien 1873 an d'Schwäiz fortgelaf.
Säi Wierk
Seng naturverbonne Molerei ass am Ufank op ganz grouss Kritik gestouss a wëll hie bei den offiziellen Ausstellunge vum Salon net zougelooss gouf, huet hien 1855 eng erfollegräich Géigenausstellung organiséiert.
Hie gëllt als ee vun de Grënner vum Realismus an der Molerei an dem hie Biller gemoolt huet mat alldeegleche Persounen a Saachen. Spéider huet hien och Nature Morten, Portraiten a Juegdzeene gemoolt, déi déi däitsch a franséisch Molerei staark beaflosst hunn.
Um Spaweck
| Commons: Gustave Courbet – Biller, Videoen oder Audiodateien |
