Quelltext vun der Säit Euro weisen

Dir sidd aus follgendem Grond net berechtegt dës Säit z'änneren:
Är IP-Adress ass an engem Beräich, deen op all Wiki vun der Wikimedia Foundation gespaart gouf.
D'Spär gouf vum ‪Hasley‬ decidéiert. De Grond dofir ass Open proxy/Webhost: See the help page if you are affected: .
Ufank vun der Spär: 16:21, 18. Dez. 2022
Enn vun der Spär: 16:21, 18. Dez. 2025
Är aktuell IP-Adress ass 62.210.136.28. De gespaarte Beräich ass 62.210.0.0/16.
Gitt wgl. bei all Ufro, déi Dir maacht, all d'Informatiounen uewe mat un. Wenn du glaubst, dass die Sperre ein Fehler ist, kannst du zusätzliche Informationen und Hilfestellungen in der globalen Richtlinie „Keine offenen Proxys“ finden.
Anderenfalls stelle bitte eine Anfrage im Meta-Wiki, um die Sperre zu diskutieren. Du kannst auch eine E-Mail an die Steward-VRT-Queue per stewards@wikimedia.org inklusive aller obigen Details schicken.
Dir kënnt de Quelltext vun dëser Säit kucken a kopéieren.
[[Fichier:European union emu map en.png|thumb|upright=1.4|'''Blo''': Länner vun der Eurozon (20)<br>
'''Giel:''' Länner, déi den Euro mat offiziellem Accord agefouert hunn (4)<br>
'''Mof''': Länner, déi den Euro vu sech aus als Wärung agefouert hunn (2)<br>
'''Rout''': aner Memberlänner vun der EU (ouni Euro) (5)<br>
'''Orange''': Länner am [[Wiesselcoursmechanismus II|WCM II]] (2)<br>
<small>(Stand: 1. Januar 2023)</small>]]
Den '''Euro''' (Iso-Code: EUR – Symbol: €) ass d'[[Wärung]] vun der [[Europäesch Wirtschafts- a Wärungsunioun|Europäescher Wirtschafts- a Wärungsunioun]]. 1 Euro ass an 100&nbsp;Cent ënnerdeelt.

Den Euro gëtt et vum [[1. Januar]] [[1999]] un als offiziell [[Buchwärung]]. Scho virdrun, de [[14. Februar]] 1997 war allerdéngs schonn en éischten [[Emprunt]] an ''Euro'', e Virleefer, op der [[Lëtzebuerg (Land)|Lëtzebuerger]] [[Bourse]] zur Cote zougelooss ginn. Euro-[[Geldschäin|Billjeeën]] a [[Mënz]]e koumen den [[1. Januar]] 2002 an Ëmlaf.

Den Euro gëtt duerch de "System vun den Europäeschen Zentralbanke" verwalt, dee sech aus der [[Europäesch Zentralbank|Europäescher Zentralbank]] (EZB) an den [[Zentralbank]]e vun der [[Eurozon]] zesummesetzt. D'Europäesch Zentralbank ass als eenzeg kompetent, Decisiounen, déi den Euro betreffen, ze huelen.

Den 1. Januar 2021 ware {{nowrap|26 468 962 663 Billjeeën}} am Ëmlaf, am Wäert vun {{nowrap|1 434 506 526 830 €}}, an {{nowrap|138 068 816 079 Mënzen}} am Wäert vun {{nowrap|30 407 933 257 €}}, am Ganzen deemno eng Zomm vun {{nowrap|1 464 914 460 087 €}}<ref>[https://www.ecb.europa.eu/stats/policy_and_exchange_rates/banknotes+coins/circulation/html/index.en.html  Banknotes and coins circulation.] ecb.europa.eu.</ref>.

== Länner wou den Euro als Wärung zielt ==
20 vun de 27&nbsp;[[Memberstaate vun der Europäescher Unioun|Memberstaate]] vun der [[Europäesch Unioun|Europäescher Unioun]] (EU) a 6 Net-EU-Staaten hunn den Euro als Wärung.

==== 20 EU Memberstaate vun der Eurozon: ====
{{Div col|cols=4}}
{{BEL}}<br>
{{DEU}}<br>
{{AUT}}<br>
{{EST}}<br>
{{FIN}}<br>
{{FRA}}<br>
{{GRE}}<br>
{{NED}}<br>
{{IRL}}<br>
{{ITA}}<br>
{{HRV}}<br>
{{LVA}}<br>
{{LUX}}<br>
{{LTU}}<br>
{{MLT}}<br>
{{PRT}}<br>
{{SVK}}<br>
{{SVN}}<br>
{{ESP}}<br>
{{CYP}}<br>
{{Div col end}}
==== Staate baussent der Europäescher Unioun: ====
{{Div col|cols=3}}
{{AND}}◆<br>
{{KOS}}◇<br>
{{MCO}}◆<br>
{{MNE}}◇<br>
{{SMR}}◆<br>
{{VAT}}◆<br>
{{Div col end}}
<small>◆ mat formellem Accord agefouert</small><br>
<small>◇ hunn den Euro inoffiziell, ouni Accord, vu sech aus agefouert</small>

Do dernieft gëtt et nach 2&nbsp;Länner (Bulgarien an Dänemark), grad ewéi d'Wärungszonen [[Zentralafrikaneschen CFA-Frang|CFA-Frang]] an [[CFP-Frang]], deenen hiren Ëmrechnungscours un den Euro gebonne ass ''(kuckt och: [[Eurozon]])''.

== Wéi den Euro agefouert gouf ==
De Virleefer vum Euro ass den [[ECU]], d'Rechnungsunitéit vum [[Europäesche Wärungssystem]] (EWS), deen [[1979]] a Kraaft getruede war. Obschonn den ECU am Wäert vun 1:1 an Euro ëmgetosch gouf, ass nëmmen den Euro eng echt Wärung; den ECU war just eng Rechnungsunitéit, also och keng Buchwärung. Ausserdeem ware just Däitschland, Frankräich an d'[[Benelux]]-Länner déi ganzen Zäit am EWS integréiert.

Am [[Traité iwwer d'Europäesch Unioun]] (''Traité vu Maastricht'') sinn d'[[Konvergenzkrittären|Konvergenzkrittäre]] festgeluecht, déi mussen agehale ginn, fir kënnen an der Eurozon derbäi ze sinn. Den [[13. Dezember]] 1996 si sech d'EU-Finanzministeren iwwer den Euro-Stabilitéitspakt eens ginn.

[[File:Yves-Thibault de Silguy & Jacques Santer - Launching of the Euro - 1998.jpg|thumb|Den [[Yves-Thibault de Silguy]] an de [[Jacques Santer]] 1998, wéi feststoung, wat fir Länner géife matmaachen]]Den [[1. Januar]] 1999 ass d'Gebuertstonn vum Euro, vun do u sinn déi al national [[Wärung]]e just nach Fraktioune vum Euro. Mä den Euro gouf et [[Buchwärung|just um Pabeier]]: Virementen a Versementen konnten an Euro gemaach ginn (a Griicheland zanter dem [[1. Januar]] 2001), Konten a Spuerbicher konnten an Euro oder den ale Wärunge gefouert ginn. Wäertpabeieren an [[Aktie]]n goufe just nach an Euro gehandelt. Mä nach sollt et 3&nbsp;Joer daueren, bis datt d'Leit Euromënzen a -schäiner am Grapp kéinten halen.

[[Fichier:Euro symbol black.svg|thumb|100px|Euro-Symbol]]
Am [[September]] [[2001]] ass domat ugefaange ginn, fir d'éischt d'Banken, dann d'Geschäfter no an no mat den neie Billjeeën a Schäiner anzedecken. Dës hunn awer bis zum Joreswiessel net däerfen an Zirkulatioun bruecht ginn. Eng Ausnam waren d'Euro-Mënzen, déi ee vum [[15. Dezember]] a Form vun enger Zort Virwëlztitchen, "Euro-Starterkit" genannt, bei Banken a Posten ze kafe krut (zu Lëtzebuerg z.&nbsp;B. am Géigewäert vu 500&nbsp;[[Lëtzebuerger Frang|Frang]]). D'Iddi war, datt d'Leit sech alt kéinte mat deene neie Mënze kënneg maachen, an och, datt e se Mënz an der Täsch hätten, wa se vum 1. Januar un akafe goungen.

Den [[1. Januar]] 2002, Punkt Hallefnuecht, goufen och d'Billjeeën an den Ëmlaf bruecht. Wärend eng kuerzer Iwwergangszäit (déi ënnerschiddlech no Land war, mä net méi laang wéi den [[28. Februar]] 2002 gedauert huet) sinn den Euro an déi al Landeswärunge parallel zirkuléiert. Dës hunn zanterhier kee legale Cours méi, kënnen awer nach eng gewëssen Zäit (och dëst ass vu Land zu Land, an och nodeem, ob et Billjeeën oder Mënze sinn) bei den [[Zentralbank]]en an Euro ëmgetosch ginn. Lëtzebuergesch a Belsch Frang-Mënzen z.&nbsp;B. goufe just bis den [[31. Dezember]] 2004 ëmgetosch, elo zielt just nach hire [[Metall]]- oder Sammlerwäert.

D'Schäiner a Frange behalen awer hire Wäert.

An deene Länner, déi duerno den Euro agefouert hunn, gouf dat gläichzäiteg als Buch- an Ëmlafwärung gemaach (de sougenannte ''Big Bang''-Zenario). Och gouf d'Period vun der Parallel-Zirkulatioun vun der aler Wärung an dem Euro op 14&nbsp;Deeg begrenzt.

== Ëmrechnungscours vum Euro ==
[[File:Wim Duisenberg - Launching of the Euro - 1998.jpg|thumb|upright|De [[Wim Duisenberg]] den 31.12.1998 virun engem Tableau, op deem den Ëmrechnugscours par Rapport zu den ale Wärunge festgehle gouf.]]
Den Taux vum Euro par Rapport zu den ale Wärunge vun der Wärungsunioun gouf (ausser fir Griicheland, d'Slowakei, Slowenien, Zypern, Malta, Estland, Lettland, Litauen a Kroatien) den [[31. Dezember]] 1998 festgeluecht. D'Basis dobäi war den Ëmrechnungswäert vum [[ECU]].

Een Euro entsprécht:
{{Div col}} 
* 1,95583 [[Däitsch Mark]]
* 13,7603 [[Éisträichesche Schilling]]
* 40,3399 [[Belsche Frang]]
* 166,386 [[Spuenesch Peseta]]
* 5,94573 [[Finnesch Mark]]
* 6,55957 [[Franséische Frang]]
* 0,787564 [[Irescht Pond]]
* 1936,27 [[Italieenesch Lira]]
* 40,3399 [[Lëtzebuerger Frang]]
* 2,20371 [[Hollännesche Gulden]]
* 200,482 [[Portugiseschen Escudo]]
* 340,750 [[Griichesch Drachme]]n (festgeluecht 2001)
* 239,640 [[Sloweeneschen Tolar]] (festgeluecht den 11. Juli 2006)
* 0,585274 [[Zypriotescht Pond]] (festgeluecht den 11. Juli 2007)
* 0,429300 [[Malteesesch Lira]] (festgeluecht den 11. Juli 2007)
* 30,1260 [[Slowakesch Kroun]]en (festgeluecht den 8. Juli 2008)
* 15,6466 [[Estesch Kroun]]en (festgeluecht den 13. Juli 2010)
* 0,702804 [[Lettesche Lats]] (festgeluecht den 9. Juli 2013)
* 3,45280 [[Litauesche Litas]] (festgeluecht den 23. Juli 2014)
* 7,53450 [[Kroatesch Kuna]] (festgeluecht den 12. Juli 2022<ref>[https://www.ecb.europa.eu/press/pr/date/2022/html/ecb.pr220712~b97dd38de3.de.html ''Kroatien tritt Euroraum am 1.&nbsp;Januar 2023 bei.''] Europäische Zentralbank, Pressemitteilung, 12. Juli 2022.</ref>)
{{Div col end}}

Par Rapport zum [[US-Dollar]] huet den Euro sech am Ufank negativ entwéckelt. De [[4. Januar]] 1999, deen éischten Dag, wou Coursen op der Bourse an Euro gehandelt goufen, huet 1&nbsp;Euro ronn 1,17&nbsp;US-Dollar entsprach. No ongeféier 2&nbsp;Joer hat den Euro mat ronn 0,82&nbsp;Dollar pro Euro säin déifste Stand par Rapport zum Dollar erreecht. Des Tendenz geet awer zanterhier nees no uewen; den [[21. September]] 2007 huet de Wiesselcours 1,40&nbsp;US-Dollar fir 1&nbsp;Euro iwwerschratt an de [[26. Februar]] 2008 krut ee fir d'éischt Kéier fir 1&nbsp;Euro 1,50&nbsp;Dollar, an am Juli 2008 1,60&nbsp;US-Dollar. Zanterhier ass de Wäert vum Dollar par Rapport zum Euro nees an d'Luucht gaangen; e louch am Juni 2010 ëm 1,20&nbsp;USD fir 1&nbsp;EUR.

== Wou gëtt mat Euro bezuelt? ==
Dës Länner hunn hir al Wärung mam Euro ersat:
{{Div col|cols=4}}
* Belsch (agefouert als Buchgeld 1999 / als Borgeld 2002)
* Däitschland (1999/2002)
* Éisträich (1999/2002)
* Estland (2011/2011)
* Finnland (1999/2002)
* Frankräich (1999/2002)
* Griicheland (2001/2002)
* Holland (1999/2002)
* Irland (1999/2002)
* Italien (1999/2002)
* Kroatien (2023/2023)
* Lettland (2014/2014)
* Lëtzebuerg (1999/2002)
* Litauen (2015/2015)
* Malta (2008/2008)
* Portugal (1999/2002)
* Slowakei (2009/2009)
* Slowenien (2007/2007)
* Spuenien (1999/2002)
* Zypern (2008/2008)
{{Div col end}}
Dozou gehéieren och déi véier franséisch Iwwerséidepartementer (''Départements Outre-Mer'' oder ''DOM'') [[Guyane]], [[Departement La Réunion|Réunion]], [[Departement Martinique|Martinique]] a [[Departement Guadeloupe|Guadeloupe]]. Et kann een deemno am [[Südamerika]]neschen Djungel mam Euro bezuelen. Och [[Saint Pierre et Miquelon]] huet den Euro.

Dräi Länner hate scho virdrun eng Wärungsunioun mat engem Land, dat der EWU bäigetruede ass, an hunn deemno och den Euro als legal Wärung agefouert. Dëst sinn:
* [[Monaco]] (mat Frankräich)
* [[San Marino]] (mat Italien)
* [[Vatikanstad]] (mat Italien)
Si hate virdru schonn d'Recht, eng begrenzt Mass vu Suen a Form vu Mënzen erauszeginn (a Franséische Frang, resp. Liren), a kënnen dofir och eng limitéiert Zuel Euro-Mënzen erausginn. [[Andorra]] fir säin Deel däerf och, no engem Wärungsaccord mat der EU, zanter 2014 Mënze klappen.

Aner Territoiren hu vu sech aus decidéiert, den Euro zu hirer Standardwärung ze maachen, ouni datt s'eege Sue kéinten erausginn oder soss eppes matzedecidéieren hätten:
* [[Kosovo]]
* [[Montenegro]]

Kosovo a Montenegro hate virdrun als Wärung déi Däitsch Mark, Andorra hat de Franséische Frang an d'Spuenesch Peset.

''Kuckt och den Artikel [[Eurozon]].''

== EU-Staaten, déi sech géint den Euro entscheet hunn ==
Groussbritannien an Dänemark hate fir sech am Traité vu Maastricht eng sougenannt "Opt-out"-Klausel duerchgesat, d.&nbsp;h. si hu sech d'Recht virbehalen, méi spéit ze decidéieren, ob a wéini si dem Euro géife bäitrieden.

Fir Schweden ass dës Méiglechkeet a sengem Bäitrëtts-Traité zwar net virgesinn, mä et erfëllt bis ewell net d'Krittären, dem [[Wiesselcoursmechanismus II]] bäizetrieden. Och huet d'Schweedesch Vollek an engem [[Referendum]] schonn zweemol refuséiert, der Europäescher Wärungsunioun bäizetrieden.

== Memberstaaten, déi no 2002 an d'EU koumen ==
Déi Staaten, déi den [[1. Mee]] 2004 ([[Estland]], [[Lettland]], [[Litauen]], [[Malta]], [[Polen]], d'[[Slowakei]], [[Slowenien]], [[Tschechien]], [[Ungarn]] an [[Zypern]]), den [[1. Januar]] 2007 ([[Bulgarien]] a [[Rumänien]]) an den [[1. Juli]] 2013 [[Kroatien]] an d'EU koumen, hu keng Méiglechkeet, vu vir eran net Member an der Europäescher Wärungsunioun ze sinn. Se mussen awer selbstverständlech d'Stabilitéitskrittären anhalen an 2&nbsp;Joer an der "Salle d'attente" vum Wiesselcours-Mechanismus&nbsp;II sinn, éier se den Euro kënnen aféieren.

De [[27. Juni]] 2004 goufen d'[[Estesch Kroun]], de [[Sloweeneschen Tolar]] an de [[Litauesche Litas]] am Wiesselcoursmechanismus&nbsp;II agebonnen. Den [[29. Abrëll]] 2005 sinn de [[Lettesche Lats]], d'[[Malteesescht Pond]] an d'[[Zypriotescht Pond]] derbäikomm, an den [[28. November]] 2005 d'[[Slowakesch Kroun]]. Den [[10. Juli]] [[2020]] koumen d'[[Kroatesch Kuna]] an de [[Bulgaresche Lew]] bäi. Bei deenen anere sinn d'Krittäre fir den WCM-II bis ewell nach net erfëllt.

Slowenien huet sech als éischt vun deene Länner qualifizéiert, an den Euro den [[1. Januar]] 2007 als 13.&nbsp;Memberstaat agefouert. Malta an Zypern sinn den 1. Januar 2008 nokomm, an d'Slowakei war den 1. Januar 2009 un der Rei. Den 1. Januar 2011 huet [[Estland]] den Euro agefouert, den 1. Januar 2014 [[Lettland]], den 1. Januar 2015 [[Litauen]]<ref>[http://www.rtl.lu/international/europa/545797.html]</ref> an den 1. Januar 2023 [[Kroatien]].

== Euro-Billjeeën a -Mënzen ==
[[Fichier:Euro banknotes, Europa series.png|thumb|Euro-Billjeeën…]]
[[Fichier:Euro coins line.jpg|thumb|a -Mënzen]]

=== Billjeeën ===
D'Eurobilljeeë sinn an alle Länner d'selwecht. Et gëtt Billjeeë vu 5&nbsp;Euro, 10&nbsp;Euro, 20&nbsp;Euro, 50&nbsp;Euro, 100&nbsp;Euro an 200&nbsp;Euro. De Billjee vu 500&nbsp;Euro, deen et an der éischter Serie gouf, gëtt zanter der „Europa-Serie“<ref>2. Serie vun Euro-Billjeeën, vun 2013 no an no agefouert</ref> net méi produzéiert<ref>{{Citation|URL=https://www.ecb.europa.eu/press/pr/date/2016/html/pr160504.de.html|Titel=EZB stellt Produktion und Ausgabe der 500-€-Banknote ein|Gekuckt=19.10.2023|Auteur=European Central Bank|Datum=04.05.2016|Wierk=European Central Bank|Sprooch=de}}</ref>. Déi, déi an Ëmlaf sinn, behalen awer hire Wäert a kënnen och nach weiderhi fir ze bezuele benotzt ginn.

Op de Billjeeën ze gesi si verschidde Motiver zum Theema "[[Baustil]]er an Europa uechtert d'Zäit". Op der viischter Säit ass als Motiv eng Fënster, op der Récksäit eng Bréck aus deene verschiddene Bauepochen. Et si keng reell Bauwierker, mä stiliséiert Representatioune vun deem, wat typesch fir déi ofgebillten Zäit war.

{{Méi Info 1|Eurobilljeeën}}

=== Mënzen ===
Et gëtt aacht Mënzen: 0,01&nbsp;Euro - 0,02&nbsp;Euro - 0,05&nbsp;Euro - 0,10&nbsp;Euro - 0,20&nbsp;Euro - 0,50&nbsp;Euro - 1,00&nbsp;Euro an 2,00&nbsp;Euro.

D'viischt Säit vun de Mënzen (den [[Avers (Numismatik)|Avers]]) ass identesch an allen Eurozon-Memberlänner. Representéiert ass op de Mënze vun 1, 2 a 5&nbsp;Cent Europa an der Welt. Op de Mënzen, déi virun 2007 erauskoumen, sinn op den 10-, 20- a 50-Cent-Mënzen déi (bis 2004) 15&nbsp;EU-Memberslänner niefteneen, an um 1 an 2&nbsp;Euro-Stéck d'EU mat hire (bis 2004) 15&nbsp;Memberlänner. Vun 2007 ass op de Mënzen am Wäert vun 10&nbsp;Cent bis 2&nbsp;Euro [[Europa (Kontinent)|Europa]] als Kontinent ofgebillt, fir weider Erweiderunge Rechnung ze droen.

All Land aus der Eurozon huet säin eegenen Design op der Récksäit ([[Revers (Numismatik)|Revers]]) vun de Mënzen. Déi eenzeg Gemeinsamkeet sinn déi 12&nbsp;Stären aus dem [[europafändel|Europäesche Fändel]]. Op der Récksäit kann dat selwecht Bild op allen 8 Mënze sinn, wéi bei [[iresch Euromënzen|den ireschen]], e verschiddent jee no 'Faarf' vun der Mënz, wéi bei [[spuenesch Euromënzen|de spueneschen]], oder awer ee verschiddent fir all Mënz, wéi bei deenen [[éisträichesch Euromënzen|éisträicheschen]].

Do donieft gëtt et nach Honnerte vu verschiddenen [[2-Euro-Gedenkmënzen|Extraversioune vun den 2-Euro Mënzen]], déi d'Memberstaaten eemoleg bei enger bestëmmter Geleeënheet, an an enger limitéierter Oplo, erausgi kënnen.

Et kann een iwwerall an der Eurozon mat deene verschiddene Mënze bezuelen, vu wou och ëmmer se sinn.

{{Méi Info 1|Euromënzen|2-Euro-Gedenkmënzen}}

== Digital Wärung<ref>{{Citation|URL=https://www.wort.lu/wirtschaft/wenn-der-euro-digital-wird/4427210.html|Titel=Wenn der Euro digital wird|Gekuckt=19.10.2023|Auteur=Quell vum Kapitel: Marco Meng|Familljennumm=|Virnumm=|Datum=19.10.2023|Wierk=luxemburger-wort-online|Editeur=wort+|Sprooch=de}}</ref> ==
Als Complement zum [[Boergeld]] huet d'EZB Mëtt Oktober 2023 decidéiert fir den Euro och als [[digital Wärung]] anzeféieren. Den 1. November 2023 leeft eng zweejäreg Virbereedungsphas un, um Enn vun där gekuckt gëtt, ob alles prett ass fir den digitalen Euro anzeféieren. An der Ufanksphas geet et drëm, fir e Reegelwierk fir den digitalen Euro opzestellen a Fournisseuren auszewielen, déi eng Plattform an d'Infrastruktur fir den digitalen Euro entwéckele kéinten.

Dem Projet no, ass den digitalen Euro eng nei Wärung - déi wéi en [[digitale Portmonni]] funktionéiert - an dee gratis souwuel fir online wéi och fir offline Paiementer disponibel ass. Haaptzil vun der digitaler Wärung ass et, fir en europäesch Bezuelservice unzebidden, géintiwwer der Dominanz vun den haaptsächlech [[Vereenegt Staate vun Amerika|US-amerikanesche]] Konzerner wéi [[Paypal]], [[Apple Pay]] oder [[Google Pay]].

Souwuel d'[[Europäesch Kommissioun|EU-Kommissioun]] wéi och d'EZB confirméieren, datt den digitalen Euro complementaire agefouert géif, ouni datt d'Euro-Boergeld ofgeschaaft gëtt.

== Aussprooch ==
Eleng an de 14 offizielle Sprooche vun de Länner vun der Eurozon gëtt et 7&nbsp;Varianten, fir dat kleng Wiertchen "Euro" auszeschwätzen: "Oiro" am Däitschen, "Öro" am Franséischen an am Hollänneschen, "Yurou" am Engleschen, a, mat gerulltem "R", "EUro" am Italieeneschen, Spueneschen, Esteschen a Finneschen, "EUru" am Portugiseschen, "Airo" am Letteschen, an "Ewro" am Griicheschen, am Slowakeschen an am Sloweeneschen.

Zu Lëtzebuerg gëtt sech typescherweis jee no perséinlechem Goût no der däitscher oder der franséischer Ausschwätzweis geriicht.

Bei "Cent" ass et nach méi komplizéiert: dofir hunn d'Griichen en eegent Wuert (leptó/leptá), an an de romanesche Sprooche gëtt am Alldag dacks dee gebräichlechen Numm fir den honnertsten Deel gebraucht, wéi "centime", "centesimo", "cêntimo", asw. D'Finne schreiwen "sentit/senttiä".

Am [[Lëtzebuergesch]]e schéngt sech den "Tsent" duerchgesat ze hunn; "Zantimm" oder "Centime" héiert een éischter seelen, a "5&nbsp;Su" fir 0,25&nbsp;€ (sou wéi fréier d'25-Centimes-Mënz "Fënnef-Su-Stéck" housch) ass praktesch inexistent.

== Soss ==
Den Euro huet 2002 de [[Karlspräis]] vun der Stad [[Oochen]] kritt.

== Kuckt och ==
* [[Europäesch Zentralbank]]
* [[Eurozon]]
* [[Europäesch Unioun]]
* [[Eurobilljeeën]]
* [[Euromënzen]]

== Um Spaweck ==
* [http://www.euro.ecb.int/ Säiten iwwer den Euro op der Websäit vun der EZB]
* [http://ec.europa.eu/euro/entry6.html Offiziell Websäit (op fr.) iwwer den Euro]
* [https://web.archive.org/web/20060614032604/http://www.karlspreis.de/portrait/2002.html Websäit vum Karlspräis]
* [http://www.bis-ans-ende-der-welt.net/Europa-B.htm Euro-Biljeeën] {{de}} {{en}}
{{Commonscat}}
{{Navigatioun Euromënzen}}
{{LinkPortalEU}}
{{Referenzen}}

[[Kategorie:Euro| ]]
[[Kategorie:Wärungen]]
[[Kategorie:Karlspräis]]
Schablounen déi op dëser Säit am Gebrauch sinn:
Zréck op Euro.
Vun „https://lb.wikipedia.org/wiki/Euro“