Tueria

Tueria^[1] (Russice Тверь, tr. Tver’) est urbs in Russia, metropolis regionis Tueriensis. Iuxta flumen Rha in ostio Tuertzae fluminis sita est. Tueriae sunt plus quam 419 milia incolarum (anno 2017).

Tueria est sedes industriae, scientiae et culturae. Multas officinas, portum ad flumen Rha, stationem ferriviariam, duas universitates studiorum, quattuor musea, pinacothecam, tria theatra et circum habet.

Palatium, Tueriae annis 1764–1766 pro familia imperatoria Russica constructum

Historia

Tueria saeculo duodecimo condita est. Anno 1238 destructa fuit a copiis Mongolo-Tatarorum, sed mox restaurata est. Anno 1247 facta est caput ducatus, qui longo tempore erat adversarius principalis ducatus Moscoviensis in certatione pro dominatione in Ruthenia, sed anno 1485 a Moscovia adiunctus est. Ab anno 1796 ad annum 1929 Tueria metropolis gubernii Tueriensis erat, anno 1935 sedes administrativa regionis facta. Annis 1931 – 1990 haec urbs Kalinin (Калинин), in honorem rerum politicarum periti Sovietici Michaelis Kalinin (qui natus est in vico gubernii Tueriensis Imperii Russici), nominabatur.

Notae

↑ J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3

Nexus externi

Vicimedia Communia plura habent quae ad Tueriam spectant.

Situs geographici et historici: Locus: 56°51′28″N 35°55′19″E • OpenStreetMap • GeoNames • Store norske Lexikon • Большая российская энциклопедия

Pagina de Tueria Encyclopaediae Russicae Magnae (Russice)

[Graesse-1] J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3

[1]