Stanislaus Mudenge
Stan Mudenge, sic saepius appellatus, nomine pleno Isaak Stanislaus Gorerazvo Mudenge (Zimuto in pago iuxta urbem Masvingo natus die 17 Decembris 1941; in eadem urbe die 4 Octobris 2012 mortuus) fuit historicus et politicus Zimbabuae.
Stanislaus MudengeAlumnus fuit collegii universitatis Rhodesiensis et Nyasalandensis, recentius "universitas Zimbabuensis" appellatum, ubi postea professor factus est. Studiis deinde in Anglia persecutis universitatem Eboracensem scholamque studiorum Orientalium et Africanorum Londiniensem frequentavit. Opera notabilia de historia mediaevali Zimbabuae scripsit.
Legatus Zimbabuensis Nationibus Unitis fuit a die 15 Aprilis 1985 ad 14 Aprilis 1990, mox minister ab eruditione superiori a die 15 Aprilis 1992 ad 14 Aprilis 1995 iterumque ab 16 Aprilis 2005 usque ad mortem. Inter annos 1995 et 2005 officio ministri a rebis externis functus est.
Opera
recensere- 1986 : Christian Education at the Mutapa Court: a Portuguese strategy to influence events in the empire of Munhumutapa. Harare: Zimbabwe Publishing House
- 1988 : A Political History of Munhumutapa. Harare: Zimbabwe Publishing House
Bibliographia
recensere- "Stan Mudenge" in Daily Telegraph (31 Octobris 2012)
- "Stan Mudenge: An accomplished educationist, historian" in The Herald (19 Augusti 2014)
- Gerald Mazarire, "Stan Mudenge: Profile of a historian" in Zimbabwe Independent (12 Octobris 2012)
Nexus externi
recensere- Never Kadungure, "Minister Mudenge ‘died a happy man’" (7 Octobris 2012) apud Nehanda Radio
- Tawanda Moyo, "Obituary: Stan Mudenge" (5 Octobris 2012) apud Reflections of an African Youth
|
Clifford Dupont 1964 • Ian Smith 1965 • Iacobus Angus Graham 1966 • Ioannes Hartley Howman 1968 • Petrus van der Byl 1974 • David Mukome 1979 • Simon Muzenda 1980 • Witness Mangwende 1981 • Nathan Shamuyarira 1988 • Stanislaus Mudenge 1995 • Simbarashe Mumbengegwi 2005 • Gualterus Mzembi 2017 • Sibusiso Moyo 2017 Capsae cognatae: Praesides Zimbabuae • Primi ministri Zimbabuae | |