Medicina Plinii

Medicina Plinii est compendium medicamentorum Latine scriptum, magna parte e Naturali historia Plinii extractum. Prima recensio Medicinae Plinii saeculo fere IV, recensio aucta (saepe Physica Plinii appellata) saeculo fere VII compositas esse censentur. Erant qui auctorem huius tractatus "Plinium iuniorem" vel "Plinium Secundum iuniorem" nuncupabant. Paulus Iovius inscriptionem se Novi Comi in urbe repperisse asseveravit qua commemoratus sit medicus quidam "Plinius Valerianus" appellatus, cui sine testimoniis hoc compendium attribui suasit:

... ille Plinius, qui elegantem librum de morbis atque remediis conscripsit. Fuit is proculdubio Plinio naturalis historiae scriptore et Plinio Caecilio posterior, vocatusque est Plinius Valerianus Medicus, cuius marmoreum sepulchrum Comi, ubi Pliniorum familia floruit, in templo divi Probini, atque sacrae labello suppositum et pulcherrimis incisum characteribus conspicitur.^[1]

Notae

↑ Paulus Iovius, De Romanis piscibus libellus (Romae: F.M. Calvo, 1524) cap. 35 ad fin.

Bibliographia

Editiones

1509 : Tommaso Pighinucci, ed. Romae: Stephanus Guillery
1528 : Albanus Torinus^(fr), ed., De re medica (Basileae: Andreas Cratander) ff. 12r-81v
1547 : Medici antiqui omnes (Venetiis: Aldi) ff. 164r-201v
1875 : Valentinus Rose, ed., Plinii Secundi quae fertur, una cum Gargilii Martialis, medicina. Lipsiae: Teubner Textus apud Internet Archive
1964 : Alf Önnerfors, ed., Plinii Secundi Iunioris qui feruntur de medicina libri tres. Berolini: Akademie-Verlag
1975 : Alf Önnerfors, ed., Physica Plinii Bambergensis (Cod. Bamb. med. 2, fol. 93v-232r). Hildeshemii: Georg Olms, 1975

Eruditio

"Valerianus, C. Plinius" in Gulielmus Smith (1844–1849). Dictionary of Greek and Roman Biography and Mythology [📖]. Londinii: Taylor & Walton

[1] Paulus Iovius, De Romanis piscibus libellus (Romae: F.M. Calvo, 1524) cap. 35 ad fin.

[1]