Matthaeus Maria Boiardus

Matthaeus Maria Boiardus (natus Scandiani in provincia Regii Lepidi die 19 Decembris 1441; mortuus Regii Lepidi anno 1494) fuit poeta Italicus.

Familia Scandianum regebat et Estensibus, Ferrariae ducibus, optima cum familiaritate utebatur.

Matthaeus Maria Boiardus, viginti annos natus, comes Scandiani factus est; postea gubernator Mutinae et Regii Lepidi ab Hercule, Ferrariae duce, creatus est.

Cum valde principatus curis intentus esset, multum litteris Latinis et Graecis studuit, et versus Latina lingua composuit. Tempus erat enim quo Renascentia litterarum florere coeperat, et humanas litteras imitari Boiardus voluit.

Lingua Italica quoque multa carmina scripsit; inter opera maxime laudantur Amores libri tres, carmina Antoniae Caprarae dicata, nobili mulieri quam amavit, et poësis epica Orlando innamorato.

Poësis Orlando innamorato, ob mortem poetae interrupta, rursus a poeta Ludovicus Ariostus suscepta est, qui "additionem" nominatam Orlando furioso scripsit, cuius fama cito nomen Boiardi obscuravit.