Verbascum thapsus
Asteridae
Ordo : Lamiales
Familia : Scrophulariaceae
Genus : Verbascum
Species : Verbascum thapsus
Linnaeus, 1753
Verbascum thapsus est species generis Verbasci familiae Scrophulariacearum. A Linnaeo anno 1753 rite descripta est.
Area
[recensere | fontem recensere]Eurasia paene tota et Macaronesia est area Verbasci thapsi naturalis, sed in Americam utramque et in Australiam Novamque Zelandiam allatus sua sponte nunc ibi vivit.
Descriptio
[recensere | fontem recensere]Planta est biennis, usque ad duo metra altitudinis. Herba omnis lanugine albescente pubescit. Caulem erectam dense foliosum habet; folia oblonga, integerrima vel crenata; folia radicalia petiolata sunt, petiolos usque ad 6 cm habent ipsa usque ad 30 cm longa et ad 10 cm lata; folia caulina petiolata vel sessilia decurrentia sunt, folia superiora brevia et acutata. Inflorescentia est racemus apicalis densus et spiciformis. Flores flavi lucidi in parte racemi inferiore in fasciculos quaterni vel plures |usqua ad septenos) collecti sunt, in parte superiore quaterni vel pauciores; pentameri sunt, nam stamina et petala quina habent. Interdum et forma cum floribus albis invenitur (Verbascum thapsus f. candicans).
Apes pollen permultum de Verbasco thapso colligunt.
Nexus externi
[recensere | fontem recensere]
|
Situs scientifici: Tropicos • Tela Botanica • GRIN • ITIS • Plant List • NCBI • Biodiversity • Encyclopedia of Life • Plant Name Index • Plantes d'Afrique • Flora of China • INPN France • Flora of North America • USDA Plants Database |