Factio democratica liberalis Germaniae

Factio democratica liberalis Germaniae partes sunt, quae liberam mercaturam favere solent. Germani illas partes Freie Demokratische Partei vocant. Haec factio 11/12 Decembris 1948 condita est.

Inter minores factiones politicas Germanicas haec factio habetur, sed particeps fuit plurium regnorum: Primis annis Reipublicae Foederalis Germaniae FDP una cum CDU/CSU factiones nationem duxit, dum Conradus Adenauer (CDU) cancellarius fuit. Anno 1963 Adenauer iam grandaevus FDP urgente a magistratu se recessit et foedus cum Ludovicus Erhard continuatum est. Anno 1966 FDP cum CDU iurgavit et administri FDP offia relinquerunt.

Ad annum 1969 FDP adversa factio erat, dum CDU Curtio Georgio Kiesinger duce una cum SPD, cui Gulielmus Brandt praefuit Germaniam rexit. Post electionem anni 1969 FDP Gualtero Scheel duce novum foedus cum SPD fecit et ad annum 1982, postremo cum Helimuto Schmidt cancellario nationem Theodiscam duxit.

1982 autem Ioannes-Theodericus Genscher praeses FDP foedus hoc finivit atque Helimutum Kohl (CDU) cancellarium elegit. Hoc cum cancellario FDP ad annum 1998 particeps regni fuit, dum Gerhardus Schröder (SPD) cum Viridibus rerum potitus est.

Anno 2009 FDP electione circa XV percentum suffragiorum accepit et nunc iterum cum CDU Angela Merkel cancellaria foederali duce Germaniam regnat. Annis 2010 et 2011 autem minorem eventum suffragiis accepit. Itaque praeses factionis ab anno 2001 Guido Westerwelle se recepit et die 13 Maii Philippus Rösler eius succesor electus est^[1]. Die 23 Septembris 2013 Rösler ab officio praesidis factionis se recessit, postquam FDP electionem ad Dietam Foederalem perdidit et primo tempore ab anno 1949 in parlamento Germaniae legatos non habiturus fuit^[2].

Praesides eius factionis adhuc fuerunt:

• Theodorus Heuss anno 1948 - 1949
• Franciscus Blücher annis 1949 - 1954
• Thomas Dehler annis 1954 - 1957
• Reinholdus Maier annis 1957 - 1960
• Ericus Mende annis 1960 - 1968
• Gualterus Scheel annis 1968 - 1974
• Ioannes-Theodericus Genscher annis 1974-1985
• Martinus Bangemann annis 1985 - 1988
• Otto Comes Lambsdorff annis 1988 - 1993
• Nicolaus Kinkel annis 1993 - 1995
• Wolfgangus Gerhardt annis 1995 - 2001
• Guido Westerwelle annis 2001 - 2011
• Philippus Rösler annis 2011 - 2013
• Christianus Lindner 2013 -

• Pagina officialis

Ductores factionum politicarum Germani

Fridericus Merz (Unio democratica Christiana) • Marcus Söder (Unio socialis Christiana) • Saskia Esken et Lars Klingbeil (Factio democratica socialis) • Christianus Lindner (Factio democratica liberalis) • Janine Wissler et Martin Schirdewan (Sinistra) • Ricarda Lang et Omid Nouripour  (Foedus 90/Virides) • Tino Chrupalla et Alicia Weidel (Alternativa pro Germania) Opus geopoliticum • Porta Unionis Europaeae Capsae cognatae: Formula:Praesides Christianae Democraticae Unionis Germaniae