Duina Occidentalis
 | |
| Longitudo | 1020 chm |
|---|---|
| Altitudo fontis | 221,2 m |
| Decursus aquae | 678 (in ostio) m³/s |
| Area systematis | 87 900 chm² |
| Fons | Koriakino lacus in regione Tueriensi |
| Ostium | Sinus Rigensis maris Baltici |
| Regio | Russia, Ruthenia Alba, Lettonia |
Duina Occidentalis[1], saepe et Duna[2], est flumen in parte septentrionali Europae Orientalis.
In elevatione Valdaica in regione Tueriensi incipiens, per regiones Smolenscensem et Pscoviensem Russiae, regionem Vitebscensem Rutheniae Albae et per Lettoniam, cuius flumen est maximum, fluit; 1020 chm patet et in sinum Rigensem maris Baltici effluit.
Lettoniae autem regiones historicae Duinae fluxu divisae sunt: nam a ripa dextra Lettigallia et Livonia (Vidzeme) patent, a ripa laeva Selonia, Semigallia et Curlandia.
Hydrographia
[recensere | fontem recensere]Accolae Duinae Occidentalis maiores sunt Velesa et Toropa in Russia, Usviata, Caspla, Ula, Polota, Disna et Drissa in Ruthenia Alba, Dubna in Lituania.
Aevo Medio Duina Occidentalis per Casplam tractu navium cum Danapri coniuncta erat, saeculo XIX per Ulam systemate aquario Beresinensi.
Urbes
[recensere | fontem recensere]Urbes ad Duinam Occidentalem sitae sunt:
- Velisia Russiae,
- Vitebscum, Drissa, Disna, Ula et Polotia Rutheniae Albae,
- Duneburgum, Cruceburgum, Ascradis, Ykescola et Holma urbes Lettoniae et Riga ipsa Lettoniae urbs capitalis (in ostio fluminis).
Notae
[recensere | fontem recensere]- ↑ Norae Zabinkovae et Moysis Kirpicznikov Nomina physico-geographica principalia URSS s.v. Западная Двина. Hoc significant nomen Russicum et Albaruthenicum: Russice Западная Двина, tr. Zapadnaja Dvina; Albaruthenice Заходняя Дзвіна, tr. Zachodnjaja Dzvina
- ↑ J. G. Th. Graesse, Orbis Latinus, Brunopoli 1972, vol. I, p. 674. Nomina antiqua etiam: Rhubon (Nomina physico-geographica principalia URSS...; vel Rubo, — Orbis Latinus) et Turuntus (ambo in Orbe Latino s.v.). Denique Daugava (Nomina physico-geographica principalia URSS...) est nomen Lettonicum hodiernum.
Nexus externi
[recensere | fontem recensere]
|
Vicimedia Communia plura habent quae ad Duinam Occidentalem spectant. |
|
Situs geographici et historici: Locus: 56°51′20″N 32°32′30″E, 57°3′43″N 24°1′33″E • OpenStreetMap • GeoNames • Store norske Lexikon • Treccani • Большая российская энциклопедия |