Dammum

Dammum
Area	89.52 km²
Populatio	10 860
Populationis densitas	121/km²
Provincia	Flandria Occidentalis
Natio	Belgia
Praefectus Communis	Didericus Bisschop
Pagina officialis	www.damme.be

Dammum sive Damma^[1] (Flandrice: Damme) est urbs Flandriae occidentalis in Belgia.

Saeculo 12 condita est apud molem ad aquam continendam, unde nomen capit. Flandrice moles enim dam vocatur. Fuit portus ad sinum maritimum Sincfalam, ubi onera navibus transferebantur ut ad Brugas veherentur. Saeculo 13 etiam erat fossa quae a Dammo ad Gandavum ducebat. Postquam Sincfala arenis obruta erat, portusque eius iam non naves recipere poterat, Dammum oppidum factum est. Dum Bellum Octoginta Annorum gerrebatur Hispanici muros contruxerunt ut oppidum contra Nederlandicos defenderetur, et Dammum ipsum urbem Brugas protegebat.

Magna pars Dammi saeculo 19 destructa est, cum Napoleo imperator fossam fodere volebat quae Brugas flumini Scaldi coniungeret, sed iam in Slusa destitit.

Nomen Dammi olim erat Hondsdam, id est moles in palude. Sed in sermone Flandrica Hond quoque canis vocatur. Itaque haec fabula narratur. Diabolus specie canis incolas Dammi terrebat. Cum moles direpta esset, canis captus et occisus est, deinde in ruptum iactus. Sic urbs servata est.

• Dammum
• Oostkerke
• Hoeke
• Lapscheure
• Moerkerke
• Sijsele
• Vivenkapelle

• Iacobus de Maerlant, scriptor
• Tijl Uilenspiegel, persona e libro a Carolo De Coster scripto

• Situs officialis
• Historia Dammi