[go: up one dir, main page]
Jump to content

Cornus florida

E Vicipaedia
Cornus florida autumno fructu ferenti floret.
Eudicotyledones 
Asteridae 
Ordo : Cornales 
Familia : Cornaceae 
Genus : Cornus 
Subgenus : Benthamidia 
Species : C. florida 
Cornus florida 
L.  

Cornus florida (synonymum Benthamidia florida ((L.) Spach), est species generis Corni, in America Septentrionali orientali endemica, a Cenomannica meridiana occidentem versus ad Ontarionem meridianam et Kansiam orientalem, et meridiem versus ad Floridam septentrionalem et Texiam occidentalem, et in Illinoesia, grege disiuncto in Mexico orientali, in Nova Legione et Vera Cruce.

Descriptio

[recensere | fontem recensere]
Inflorescentia C. floridae quattuor bracteas clare monstrat.

Cornus florida est parva arbor decidua, ad 10 m alta, matura saepe latior quam altior, trunco ad 30 cm lato. Stat arbor decem annos nata circa 5 m alta. Folia sunt opposita, simplicia, ovalia,? apicibus acutis, 6–13 cm longa, 4–6 cm lata, margine ut videtur integra (re vera subtiliter dentata, sub microscopio); autumno porphyrea fiunt.

Flores sunt parvi et inconspicui, quattuor petalis flavovirentibus 4 mm longis. Circa viginti flores in inflorescentia densa, rotunda, umbelliforme, 1–2 cm lata gignuntur. Inflorescentia a quattuor conspicuis magnis "petalis" albis, roseis, vel rubris (re vera bracteis) cingitur, quaque bractea 3 cm longa et 2.5 cm lata, rotunda, et saepe incisurá distinctá in apice. Flores sunt bisexuales.

Fructus est fasciculus duarum ad decem druparum, quaque 10–15 mm longa et circa 8 mm lata, quae aestate adulta autumnoque ineunte maturescunt ad clarum rubrum, vel aliquando flavum roseo suffusum. Ei sunt gravis cibus permultarum specierum avium, quae semina tum distribuunt.

Sunt duae subspecies:

C. florida late per Americam Septentrionalem mediam temperatam colitur. In orientali continentis parte, colitur tam septentrionale quam Torontum Ontarionis, et meridiem versus ad Floridam mediam.

In cultura

[recensere | fontem recensere]

Cornus florida est arbor civica et flos civicus Virginiae,[1] arbor civica Missuriae,[2] et flos civicus Carolinae Septentrionalis.[3]

Pinacotheca

[recensere | fontem recensere]
  • Cornus florida
    Cornus florida
  • Cultivarietas C. floridae floribus roseis
    Cultivarietas C. floridae floribus roseis
  • Cultivarietas C. floridae floribus albis
    Cultivarietas C. floridae floribus albis
  • Forma arboris autumno
    Forma arboris autumno
  • Arbor iuvenis C. floridae cultivarietatis 'Appalacian Spring'
    Arbor iuvenis C. floridae cultivarietatis 'Appalacian Spring'
  • Folia C. floridae cultivarietatis 'Appalacian Spring'
    Folia C. floridae cultivarietatis 'Appalacian Spring'
  • Folium C. floridae cultivarietatis 'Appalacian Spring'
    Folium C. floridae cultivarietatis 'Appalacian Spring'
  • Folia C. floridae autumno
    Folia C. floridae autumno
  • Cortex C. floridae
    Cortex C. floridae

Notae

[recensere | fontem recensere]
Inflorescentiae sunt quattuor petala flava in quoque flore.
  1. ↑ "White Dogwood". Virginia Department of Forestry .
  2. ↑ "Cornus florida". Missouri Botanical Garden .
  3. ↑ "State Flower--Dogwood" (PDF). North Carolina Museum of History .

Nexus externi

[recensere | fontem recensere]
Vicimedia Communia plura habent quae ad Cornus florida spectant.
Vide "Cornus florida" apud Vicispecies.
Situs scientifici: Tropicos • Tela Botanica • GRIN • ITIS • Plant List • NCBI • Biodiversity • Encyclopedia of Life • Plant Name Index • IUCN Red List • "Cornus florida" apud Plants for a Future • INPN France • Flora of North America • USDA Plants Database
Receptum de "https://la.wikipedia.org/w/index.php?title=Cornus_florida&oldid=3714481"