Brys

An brys yw an sett a deythi omgemeryansek rag an fordh prederi, resna, percevya, mynnes, tybi hag omglewes. Yn godhonieth, an brys yw kawsys yn tien gans oberyans an ympynnyon. An filosofer Gilbert Ryle a elwis an brys "Spyrys y'n Jynn" ha leverel bos kamm an tybyans a vrys diblans a'n ympynnyon. Byttegyns, nebes tus a breder bos an brys diblans a'n korf hag yw gelwys enev.

Yma dadhel vras ow tochya pandra a styr an brys ha pyth yw yn poran. Nebes a lever nag yw saw reson ha kov rann an brys, awos aga bos war. Gans an savla ma, an omglewansow a gerensa, kas, own, lowena hag erel yw diblans a'n brys. Nebes gans an wel ma a lever bos an omglewansow rann an brys. Re erel a lever na yll agan studhow resnel hag omglewansek bos divaglys hag y kodh bos oll anedha rann an brys.

Unn govyn a-dro dhe'n brys yw py eghennow a groadur a yll kavos brys. Rag ensampel, ni a wovyn mars eus brys marnas gan tus, gans nebes enevales po enevales oll, gans kroaduryon oll po gans puptra bew ha mars eus brys dhe nebes eghennow a jynn gwrys gans tus. Brysoniethoryon avel Sigmund Freud ha William James ha godhoniethoryon jynn-amontya kepar hag Alan Turing a dhisplegyas tybyansow meur aga bri a-dro dhe'n brys.

Yma'n erthygel ma owth usya an Furv Skrifys Savonek a-barth Kernowek kres.

Onan a'n kans erthygel posekka war Wikipedya yw an erthygel ma.