Gore

Gore beşeke cîlûbergan (kinc, pot, çek, came, cil) e ku li lingan û çîpan (çîm, qor, şeq) tên xwakirin, bo porkirina wan e.

Ji bestirê (qumaş) ye ku di fabrîkên tekstîlê de tên hilberîn. Berê mirovan direfandin, diristin, heger biqetiyan yan qul biban, bi pîneyan vediçinîn. Niha bi dehan cureyên goreyan hene. Di zimanê farisî de gorab dibêjin ku ev bêje derbasê romî (tirkî) û hin zimanên balkanî jî bûye.

Li Kurdistanê bi dehan cureyên goreyan dihatin refandin, ristin, çêkirin. Goreyên bi kurdan ên bi destan hatine refandin. di cîhanê de navdar in. Li Bakurê Kurdistanê bi taybetî li herêmên Xerzan, Tolhildan, Dêrsim û Botanê goreyên bêhempa dihatin refandin. Niha ev destkarî kêm bûye, lewra goreyên fabrîkan him bo cure armancan e, him jî çêkirina goreyan dem û kedê dixwaze.

Dîroka goreyê

Dîroknasên ewropayî derketina goreyan heya romayiyan dişopînin û di zimanên wan de bêjeya goranî herwija ji soccus a latînî tê. Soccus di wateya pêlavan de jî dihatibûye bikaranîn. Pirr berê jî mirovan gore çêdikiribûne.

Heya serdema 16. li Ewropayê gore pirranî yan di dirûvê pêlavan de bûne yan jî bi devlingên pantolan ve girêdayî bûne.

Hin ji cureyên goreyan

Patîk: Dirûvê solan de bo mezinan
Papîk: Dirûvê pêlavan de bo pitikan
Goreya şervanan: Heya jinûyê dirêj, teng û devê wê bi doxîn
Goreya şivanan: Hinekê dirêj, stûr û çorsane
Zargore: Goreya pantolkî ya tenik, jin bikartînîn (îng, tights)
Goreya kompresyonê: Bo nexweşên trombozê, di bijîşkiyê de
Goreyên lepikî: Deh (bêçiyên lingê) dikevinê
Goreyên stûr ên malê: Bo lingê mirov kaş nebin (xij nebin
Goreyên keşeyan: Oldar li xwe dikin
Goreyên lateksî: Di cîhana erotîzmê de tê bikaranîn
Goreyên mat: Rengê wan pirr kivşe nabin, qisûrên laş pordikin
Goreyên qurçimok: Di salên 90'î de ji Japon belav bûye
Goreya peravan: Goreyeke taybet e, germiyê kontrol dike
Goreyên împeratorên romayî: Gore wekî unîformê tê xwakirin.