Erdîş

Erdîş (bi tirkî: Erciş) yek ji navçeyên Wanê ye. Navbera Erdîş û Wanê 100 Km ye. Aliyê navçê yê bakûr, Tepeyê Zernakol wekî milekî hemêz kiriye. Li aliyê navçeyê başûr Gola Wanê cih digire. Li aliyê rojavayê navçê, ji Geliyê Zîlan Çemê Zîlanê berbi Gola Wanê diherike. Beriya Serhildanên Agirî girêdayî bajarê Agirî bû, piştî têk çûyîna kurdên Agirî, navçe ji wanê ve hate girêdan Rûber 2.115km² ye. Hejmara niştecihên navendê 78.397 û bi giştî jî 145.229 e. 2 nehiye 85 gund û 39 mezre girêdayî navçeyê ne. Aborî pirranî li ser çandiniyê ye. Herwekî bazirganî jî pêşketiye. Mezintirîn navçeya Wanê ye.

Erdîş
Navçe
Erciş
Navçeya Erdîşê
Erdîş Nexşeya Wanê nîşan bide Erdîş Nexşeya Bakurê Kurdistanê nîşan bide
Koordînat: 39°1′44″Bk 43°21′33″Rh / 39.02889°Bk 43.35917°Rh / 39.02889; 43.35917
Welat	Bakurê Kurdistanê
Dewlet	Tirkiye
Parêzgeh	Wan (parêzgeh)
Serbajar	Erdîş
Hejmara nahiyeyan	3 nahiye
Hejmara bajarokan	3 bajarok
Hejmara gundan	85 gund
Qada rûerdê
• Giştî	2.115 km2 (817 sq mi)
Bilindahî	1.690 m (5540 ft)
Nifûs  (2008)	154.499[1]
• Berbelavî	73/km2 (190/sq mi)
• Serbajar  (2008)	73.733
Koda postayê	65400
Koda telefonê	(+90) 432
biguhêre

Di qeydên dîrokî de wekî Erdîş, Ardaş, Arzaş, Arzaşkû derbasdibe. Gel ji Kurdan pêk tê. Herwekî hin koçberên ku dewleta Tirk bicihkirine jî henin.

Li gor lêkolîner Kerem Serhedî navê navçeyê ji Erdeşêrê kurê Babik tê, ku li wir Kela Zirnekolê heye.

Li navçeyê Keleha Aganîs jî hebûye, keleheke biçûk bûye, cihê ermenan bûye. Lê li gor Kerem Serhedî ew der jî di nav Gola Wanê de maye.

Li navçeyê Geliyê Zîlan bi navê Şarê Baz gundek heye, ji aliyê Bazê kurê Dostik ve hatiye avakirin. Ewliya Çelebî di seyahatnameya xwe de behsa medrese, mizgeft û hemamên wê dike.