Kosovo
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Dr Kosovo s öt neuste Land ä Europa. Dä vreuere Jugoslawische Deelstaat wood dono önö Deel va Serbie. Am 17. Februar 2008 had hä sisch vöör onavhängisch erklärt. Seid di Zitt es dr Kosovo d Republik Kosovo. Serbie hat dat nett a erkannt un nennt dr Kosovo wiir d „Autonome Provinz Kosovo un Metochien“.
Ön Reih va Staate akzepteert d Unavhängigkeit, önö jruuße Deel deet dat nett. D meetste hand sisch noch nett entscheede.
Seid dr Kreesch em Kosovo em Joohr 1999 hot d UNO övver dr Kosovo z saare.
Dr Naam Kosovo weed em Dütsche als Amselfeld, wat Mällebend heecht, övversatze. Ejentlich heescht dat „zo d Mäll jehüürend“.
Wo litt Kosovo?
Kosovo litt mädde em Balkan un hat kenne Zojang zo öt Meer. Op d en Sii jrenzt dr Kosovo a Albanie, an anger Ecke a Montenejro, Serbie un em Nordoste a Mazedonie. Dr Mällebend woch immer enn vöör d Buure wichtije Regijun. Schnei op d huch Berch rondöröm un dotösche Land vöör d Kööh un d Jeeße, wenn dr Wenkter dovör sorchte, dat en d Berch kenne lääve kutt.
Kosovo hat 10 877 km² un es domet klenger als manch dütsch Bundesland. Huuch Berch prääje dat Land. Dr hüüxte Berch es dr Djeravica met 2656 m. Dr jrüütste Floss s dr Wisse Drin.
Wä läävd em Kosovo
En öt Land lääve onjeväär 2 Milliun Mensche. Völl Lüüh us dr Kosovo lääve ä Düschland, Amerika, Österreich un en d Schweiz. Kikkt moch sisch d Zsammesetzung von d Lüüh a, so sitt moch, dat 88 % Albanier, 7 % Serbe un 5 % us anger Ecke van d Welt komme.
D meetste Albaner send Muslims, d meetste Serbe serbisch-othodox.
Jätt us d Vorjangenheed
Tösche 1912 un bes zm Aavang vam Zweide Weltkreesch jehood Kosovo z Serbie. Em Zweide Weltkreesch wood öt zo Albanie jeschobe, dat damols va Italie bestemmt wood. 1974 ändernde sisch dat wärm, un Kosovo wood ön onavjängige Provinz va Serbie.
1989 beschloss Slobodan Milošević, dat met d Onavhängigkeet Schluss se soll. Di Laach wood emmer schlemmer, un 1999 komm öt zm Kreesch em Kosovo. D NATO övvernomm un öt sooch no Vreede us.
D Sproch
Änglisch jilt als offizielle Vorkiihrssproch, ävver en öt Land weed Albanisch un Serbisch jesproche. En ö paar Dörper sprecht moch och Türkisch un Bosnisch.
Websijje
- UN-Missiun em Kosovo (ä Änglisch)
- Öt Nöueste us dr Kosovon
Albanien • Andorra • Jrußbritannie • Estland • Belgien • Bosnien-Herzegovina • Bulgarije • Dänemark • Dütschland • dr Vatikan • Finnland • Frankreich • Holland • Irland • Italie • Jrihscheland • Kroazije • Lettland • Lichteschtein • Litaue • Luxemburg • Malta • Mazedohnije • Moldahvije • Monaco • Montenejro • Norweje • Österreich • Pochtujal • Polen • Rumähnije • San Marino • Serbien • de Schweiz • Schpanije • Schwehde • Slowehnije • de Slowakei • de Tschäschei • Unnjan • Wiißrussland
Altos • Island • däe Kosovo • Russland • Seeland • de Törkei • Zint Helena • Zypere