Chaat

Chaat (op Hindi: चाट) es jet zem Esse, e Schößßelsche, udder ene Deller voll, met lecker jewöözte Häppsche un knackijje Plätzje met enem kräftejje Jeschmack, di mer en Indije, en Pakkistahn, un och sönß en Oßß-Aasije, för jewööhnlesch laans de Shtrooße, fun Shtänd, Büüdche, un fleejende Händler kritt. Dat Woot „Chaat“ kütt vum Hindi] चाट, dat schpresch mer cāṭ, un et bedügg „schmeck joot, joot schmecke“, un vun चाटना, dat schpresch mer cāṭnā, dat bedügg „schmecke, ich schmecken jet“, un vum Prakrit चट्टेइ, dat schpresch mer caṭṭei, un bedügg „lout Esse, un met vill Spaß Esse“^[1].

Chaat jidd et en ville Zoote. Di sen all vun jebroode Deijsch jemaat, met ene Houfe annder Zohtahte för der Jeschmack. De ojinaal Chaat sen jemölsch uß kleijn jeschnibbelte Ääpelle, en Zoot jebroode Knäckebruud, Minni-Bunne un Jewööz. Andere jähn jenumme Aate enthallde Aloo Tikkis — met Öllisch un [Kurjändersche janneet un scharf Jewööze un enem Priißje Klätschkieß] — Bhel Puri, Dahi Puri, Panipuri, Dahi Vada, Papdi Chaat, un Sev Puri. Et jit divärse Jemeinsamkeijte zwesche dä Zohtahte vun dä Väsjohne woh Dahi, udder Jockert, dren es. Dat sin jeschnibbelte Öllisch, un Kurjändersche, dann Sev — dat sin janz klëjne, jedrüschte jääle Nuudelle — un Chaat Masala. Dat es en Masala, alsu en Jewöözmeschung, woh mer tüppisch Amchoor — jedrüsch jemohle Mango — Kumiin, Schwaz Salz, Kujändersche, jedrüsch un jemohle Ėngver, Sallz, Schwazze Päffer, un Kapsikum — ne ruude Peffer — dren hät.

De Zohtahte wäde zosamme jodonn un op enem kleine Däller uß Ieser säveet udder op enem Banaaneblatt, wat jedrüsch un zoh enem Kumpe jeforremp es.

De miihßte Zoote Chaat kumme uß däm Uttar Pradesh hää, un uß Gujarat, ävver mer eß se hück en janz Sööd-Aasije. Einije sin uß ongerscheidlije Kultuure zosamme jekumme, för e Beijshpell, Pav Bhaji zeije ene pochtojėėsėsche Ennfluß, se han de Forrem vun enem Brüütsche]. De Bhel Puri woodte vun enem Ußwanderer uß Gujarat äfonge, nohdämm dä noh Mumbai zohjetrocke wohr.

De Shtädt, en dänne de Lück jähn Chaat äße, doh jidd et bikannte dhabas — miir dääte Chaat-Reßtorangs saare — als e Beijshpell en Mumbai et Chowpatty Beach. De Chaat-Spezjallitääte sen ongerscheidlesch vun eine Shtadt noh de andere. Chaat uß Agra un Chaat uß Mathura sin en jan Indije berühmp. En Heiderabad em Andhra Pradesh maache en de Houpsaach Lück Chaat, di uß Bidar shtamme, un wat Wunder, met widder en janz ander Jeschmacksreeschtung.

• Panipuri.
• Aloo Chaat - Aloo, en Zoot Ääpel, wääde en klein Shtöcke jeschnibbelt, un knusprisch jebroode, un met Chutney säveet.
• Chila]] - Besan-Pannkooche, säveet met Chutney un Sooth, dat es söhß Chutney.
• Bhala un Aloo Tikki.
• Pakora - Divärse Saache esu wi Paneer, dat sin Jemöhß, wääde en Besan Zauß jeshtipp un jebroode udder fritteet.
• Mangode - janz äähnlesch wi Pakora, ävver shtatt dä Besan-Zauß jidd et en jääle Moong-Zauß.
• Bedai - Puri jeföllt met Dal — en Zoot Lėnse — un kusperisch jebroode, weedt tüppisch zom Fröhshtöck met Aloo Sabji säveet.

1. ↑ Oxford English Dictionary. Chaat. Mar. 2005 Online edition. Nohjeloort aam 18. Fäbrowaa 2008