Tavietnamit

Tavietnamit (Tiếng Việt ) d tutlayt tunṣibt n Vietnam, yerna d nettat ay d tutlayt tayemmat n weɣref avietnami ay d-yettgensisen 86% seg yimezdaɣen-nnes. Tutlayt-a ttmeslayen-tt daɣen deg Yiwunak Yeddukklen, di Kambud'ya, di Fṛansa, di Ustṛalya, di Ccinwa, akk d tmura nniḍen anda llant tmezdaɣin (communautés) n laṣel avietnami. Ttmeslayen-tt gar 70 d 73 n yimelyunen n yimsiwlen am tutlayt tayemmat. Aṭas n wawalen n tutlayt-a ay d-yettwaḍḍfen seg tutlayt tacinwat. Ass-a, tutlayt-a tesseqdac agemmay alatini s tmerniwin n tmesliwt (marques fonétiques) n tmerna i kra n wawalen.