Taun liturgi

Taun liturgi, kang karan uga minangka Taun Kristiani, wujud Kalèndher Kristiani/siklus mangsa liturgi sajeroning gréja-gréja Kristiani kang nemtokaké kapan dinaning para suci, dina pèngetan, lan dina-dina gedhé kudu diriyayakaké sarta pérangan ngendi saka Kitab Suci kang diasosiasikaké karo dina-dina riyaya mau.

Bagéyan saka seri artikel ngenani Kakristenan

Dasar Yésus Kristus Gréja • Téologi Tritunggal • Injil Dispensasionalisme Para Rasul • Kraton Sajarah Kakristenan Alkitab: Injil: Prajanjian Lawas        Prajanjian Anyar Apokrifa: Deuterokanonika Ajaran: Angger-angger sepuluh Kotbah ing Bukit: Ucapan Berbahagia Donga Kanjeng Rama Hukum Kasih Amanat Agung Gréja Kristen: Gréja Katulik Gréja Katulik Latin Gréja Katulik Wétan Gréja Ortodoks Wétan Gréja Ortodoks Oriental Gréja Wétan Asiria Protestanisme Topik-Topik Ing Kakristenan: Nestorianisme • Miafisitisme Kalèndher Denominasi Kristen Maria • Klausa filioque Gerakan agama Kristen Ibadat Kristiani: Misa Liturgi Suci Kapercayan sing kakait: Agama Abrahami Gerakan Rastafari This box: deleng rembug besut

Kanggo mangsa kang béda sajeroning setaun liturgi, dipigunakaké warna-warna liturgis kang béda uga. Dina-dina riyaya Gréja Wétan (Gréja Ortodoks Wétan, Gréja Ortodoks Oriental, Gréja-Gréja Katulik Wétan) tiba ing tanggal kang béda karo Gréja Kulon (Gréja Katulik Roma, Gréja Anglikan, Gréja Lutheran, lan Gréja-Gréja Protèstan), sanajan inti riyayané padha.

Kanggo gréja-gréja ing Indonésia kang akèh-akèhé éwoning Gréja Kulon, kalèndher iki uga ora kabèh diriyayakaké déning kabèh dhénominasi Kristen. Gréja Katulik Indonésia ngriyayakaké kabèh dina riyaya kalèndher iki, éwadéné gréja-gréja liyané ana sapérangan kang ora diriyayakaké, ana uga dhénominasi Kristen kang ora ngriyayakaké dina-dina riyaya iki siji waé, contoné Gréja Masèhi Advent Dina Kapitu, Gréja Yésus Sejati, lan Saksi-Saksi Yehuwa. Gréja Protèstan Indonésia upamané, akèh-akèhé mung ngriyayakaké 5 dina riyaya utama, yaiku:

• Natal-kalairan Yésus, kanthi tradhisi tanggal 25 Dhésèmber
• Jemuwah Adi-séda Dalem Gusti Yésus, 3 dina sadurungé Paskah
• Paskah-wungu Dalem Gusti Yésus, tanggalé béda saben taun
• Asensi-mékrad Dalem Gusti Yésus, 40 dina sawisé Paskah
• Pentakosta-Pangasokan Roh Suci, 50 dina sawisé Paskah

sanajan ana sapérangan kang ngriyayakaké Adven, Rebo Awu, lan sapérangan liyané. Gréja ing sanjabané Indonésia luwih manéka manèh, saéngga ora bisa ditarik sawijining patokan saliyané dina-dina riyaya kang umum iki.