Wong Yamato

Suku Yamato (大和民族, Yamato-minzoku utawi 天孫民族 Tenson-minzoku^?) inggih punika bebrayan (kelompok ètnis) asli ingkang dominan mapan wonten ing nagara Jepang.

Yamato

Gunggung cacah jiwa
120,000,000+
Basa
Jepang
Agama
Buda, Shinto, Kakristenan

Suku Yamato punika istilah ingkang wiwit dipun-ginakaken saking pungkasan abad kaping 19. Kanthi ancas kanggé mbédakaken antawisipun penduduk ing dharatan Jepang saking kelompok-kelompok ètnis minoritas sanèsipun ingkang sampun mapan wonten ing wewengkon periferal Jepang. Kelompok-kelompok ètnis mau kados ta suku-suku Ainu, suku Ryukyu, suku Nivkh, suku Ulta, sarta ugi tiyang saking Koréa, tiyang Taiwan, lan tiyang aborigin Taiwan ingkang sampun mlebet dados warga Kamaharajan Jepang ing wiwitan abad kaping 20. Nama "Yamato" punika asalipun saking Tahta Yamato ingkang sampun wonten ing Jepang nalika abad kaping 4. Sejatosipun Yamato punika nama tlatah asal wonten pundi tiyang-tiyang Yamato ingkang kapisan mapan lan netep wonten ing Prefektur Nara ^[1].

Wonten ing abad kaping 6, suku Yamato minangka salah satunggal saking kathah suku saking manéka asal usul ingkang naté mengkolonisasi Jepang wonten ing jaman prasajarah wiwit damel nagara kanthi model kathah nagara ing Cina ingkang saking dinasti Sui lan dinasti Tang inggih punika pusat prabawa pulitik wonten ing Asia ing kala punika. Nalika prabawa Yamato mau sansaya wiyar, basanipun mau lajeng nggantos Basa Jepang kuna lan dados basa umum ingkang dipun-ginakaken kanthi wiyar. Déné Basa Ryukyu saking Kepuloan Ryukyu punika sampun kapisah saking Basa Jepang Kuno ing antawisipun abad kaping 3 lan abad kaping 5.

Wonten sapérangan kontroversi babagan menapa badhé mlebetaken suku Ryukyu minangka péranganing Yamato. Lajeng nglampahi indetifikasi suku Ryukyu minangka satunggaling kelompok ètnis ingkang independen utawi Suku Ryukyu minangka sub-grup ingkang sareng kaliyan Yamato punika kalebet ètnisitas Jepang amargi kathah ingkang sami ingkang celak ing babagan genetika lan basa (linguistik). Shinobu Origuchi (折口信夫, Origuchi Shinobu^?) gadhah pamanggih bilih suku Ryukyu punika "proto-Jepang" (原日本人, gen nippon jin^?), déné Yanagita Kunio damel prakiraan bilih Suku Ryukyu punika sub-grup ingkang mapan lan netep wonten ing Kepuloan Ryukyu. Lajeng babagan gelombang migrasi ingkang utama éwah dhateng lèr kanggé mapan lan netep wonten ing kepuloan Jepang lajeng dados suku Yamato.

Konsep «keturunan murni» minangka satunggaling kriteria kanggé keunikan Yamato minzoku wiwit dipunrembag kirang langkung ing taun 1880 wonten ing Jepang. Inggih punika kirang langkung nalika sapérangan ilmuwan Jepang wiwit ngawontenaken panalitèen lanpenyelidikan eugenika ing Jepang (yuuseigaku).^[2]