Sudoku (数独, sūdoku?), uga kaloka minangka Number Place utawa Nanpure, iku sajinis teka-teki logika. Angkahé kanggo ngisi angka-angka wiwit saka 1 nganti 9 ing sajeroning jaring-jaring 9×9 sing dumadi saka 9 kothak 3×3 tanpa ana angka sing padha ing larikan, kolom utawa kothak. Sepisanan kababr ing sawijining koran Prancis ing taun 1895 lan mbokmanawa kadayan déning matematikawan Switserlan Leonhard Euler, sing agawémisuwur Latin square.
Versi modhèren dolanan iki diwiwiti ing Indianapolis taun 1979. Banjur dadi misuwur manèh ing Jepang taun 1986, nalika pangecapan Nikoli nemu teka-teki iki sing diripta déning Howard Garns.
Jeneng "Sudoku" iku cekakan basa Jepang saka "Suuji wa dokushin ni kagiru" (数字は独身に限る, "Suuji wa dokushin ni kagiru"?), tegesé "angka-angkané kudu tetep tunggal".
Sanadyan Sudoku kanthi 9 x 9 kothak sing kapérang dadi 3 x 3 blok minangka jinis sing paling umum, nanging sajatiné akèh jinis utawa varian liyané kaya ta 4x 4 sing kapérang dadi 2x2 blok, kothak 5x5 kanthi blok pentomino ya iku blok sing dumadi saka limang kothak singkagandhèng lan wanguné warna-warna). Ana uga kothak 7x7 sing kapérang dadi blok-blok wolung kothak (heptomino)
Jinis liyané (sing luwih rumit) antarané kothak 16x16 kanthi isian angka/aksara 1 nganti F (angka hexadesimal). Banjur ana manèh Mini Sudoku (6x6 kanthi 3x2 blok), Killer Sudoku, Hyper Sudoku, Extreem Sudoku, Diagonal Sudoku, Squiffy, Sudoku Alfabet, Su Moji, Sum Sudoku, Cryptogram Sudoku, Circular Sudoko, Assembling Sudoku, Pathfinder, Kakuro lan liya-liyané.
| Wikimedia Commons duwé médhia ngenani Sudoku. |