Sagara Cina Kidul

Sagara Cina Kidul ya iku sagara pinggir minangka pérangané Samodra Pasifik sing nyakup laladan saka Singgapur nganti Selat Taiwan; watara 3.500.000 km² jembaré. Minangka badan sagara gedhé angka enem, sagara iki nglimputi kapuloan sing dumadi saka atusan pulo. Sagara iki mligi diarani Sagara Kidul ing dharatan Cina.

Jeneng

Ing September 2012, Présidhèn Filipina Benigno Aquino III nandatangani Perintah Administratif No. 29 wajibaké saben kabèh badan pemerintah gawé jeneng "Sagara Filipina Kulon" kanggé nyebut tlatah Sagara Cina Kidul ing tlatah zona ékonomi eksklusif Filipina lan ngutus National Mapping and Resource Information Authority (NAMRIA) kanggé gawé jeneng iki ing peta-peta resmi.^[1]

Ing Juli 2017, Indonésia ganti jeneng wates lor saka zona ékonomi eksklusif ing Sagara Cina Kidul weké dhéwé dadhi "Sagara Natuna Lor" sing ana ing sisih lor KapuloanNatuna, sing duwé wates karo ZEE kidul Vietnam dan sapérangan kidul Sagara Cina Kidul.^[2]^[3] Dadhiné, Indonésia uwis wènèhi jeneng kanggé tlatah banyu sing ing jero Sagara Cina Kidul, ya iku Sagara Natuna, antarané Kapuloan Natuna karo KapuloanLingga lan Kapuloan Tambelan, uga Sagara Natuna Lor antarané Kapuloan Natuna dan Cape Cà Mau sing ana ing ujung kidul Delta Meking ing Vietnam.

Géografi

Biro Hidrografi Internasional (International Hydrographic Bureau) ndefinisèkaké sagara iki mbentang ing arah kidul-kulon tekan wétan sagara, sing wates kidulé 3° Lintang Kidul antara Sumatra Kidul lan Kalimantan (Selat Karimata), lan wates loré ya iku Selat Taiwan saka ujung lor Taiwan nganti pasisir Fujian ing Cina Dharatan.

Nagara-nagara lan wewengkon sing wewatesan karo sagara iki antarané: Républik Rakyat Cina, Makau, Hong Kong, Républik Cina (Taiwan), Filipina, Malaysia, Brunei, Indonésia lan Vietnam.

Kapuloan

Ing sagara iki, ana punjul 200 pulo lan karang sing diidentifikasi, akèh-akèhé ing laladan Kapuloan Spratly. Kapuloan Spratly kasebar 810 nganti 900 km sing ngambah watara 175 fitur insuler sing diidentifikasi, sing gedhé dhéwé dadi Kapuloan Taiping (Itu Aba) sing dawané 1,3 km lan kanthi elevasi 3,8 m.

Uga delengen

Pratélan Kapuloan ing Sagara Cina Kidul

Rujukan

↑ West Philippine Sea Limited To Exclusive Economic Zone, September 14, 2012, International Business Times
↑ Prashanth Parameswaran (17 July 2017). "Why Did Indonésia Just Rename Its Part of the South Cina Sea?". The Diplomat.
↑ Tom Allard; Bernadette Christina Munthe (14 July 2017). "Asserting sovereignty, Indonésia renames part of South Cina Sea". Reuters.

Pranala njaba

[1] West Philippine Sea Limited To Exclusive Economic Zone, September 14, 2012, International Business Times

[2] Prashanth Parameswaran (17 July 2017). "Why Did Indonésia Just Rename Its Part of the South Cina Sea?". The Diplomat.

[3] Tom Allard; Bernadette Christina Munthe (14 July 2017). "Asserting sovereignty, Indonésia renames part of South Cina Sea". Reuters.

[1]

[2]

[3]