Asia Wétan

Asia Wétan iku sub-wewengkon Asia.Jembaré watara 6.640.000 km², utawa 15 persèn saka bawana mau.

Nagara-nagara sing dumunung ing Asia Wétan:

• Républik Rakyat Cina, kajaba provinsi Qinghai lan laladan otonomi Xinjiang lan Tibet
• Jepang
• Koréa Lor
• Koréa Kidul
• Taiwan
• Mongolia
• Hong Kong

Nagara-nagara ing ngisor iki uga kadhangkala dianggep péranganing Asia Wétan gumantung marang cara deleng pulitik:

• Sisa pérangan RRC: Xinjiang, Qinghai, Tibet (bisa Asia Wétan utawa Asia Tengah)
• Mongolia (bisa Asia Wétan utawa Asia Tengah)
• Vietnam (bisa Asia Wétan utawa Asia Kidul-Wétan)
• Ruslan Wétan (bisa Asia Wétan utawa Asia Lor)

Luwih saka 1.500 yuta jiwa, utawa watara 40 persèn sing ndunungi Asia lan saprapat sing ndunungi donya manggon ing Asia Wétan. Wewengkon iki minangka salah siji wewengkon paling padhet ing donya. Kapadhetan sing ndunungi Asia Wétan, 230 per km², padha karo kaping limané rata-rata donya.

Sajarah Asia Wétan, lan uga sawatara péranganing Asia Kidul Wétan, akèh kadayan déningCina. Umpamané, kabèh nagara-nagara Asia Wétan migunakaké aksara Cina ing sawatara wektu sajeroning sajarahé. Laladan Cina, Jepang, lan Koréa duwé sistem tulisan sing gegandhèngan, lan bebarengan karan CJK utawa CJKV kajaba Vietnam.