Préfèktur Nara
| Nara Prefecture 奈良県 | |||
|---|---|---|---|
| Prefecture | |||
| Trankripsi Japanese | |||
| • Japanese | 奈良県 | ||
| • Rōmaji | Nara-ken | ||
| |||
 | |||
| Country | Japan | ||
| Region | Kansai | ||
| Island | Honshu | ||
| Capital | Nara | ||
| Subdivisions | Districts: 7, Municipalities: 39 | ||
| Pamaréntahan | |||
| • Governor | Shōgo Arai | ||
| Laladan | |||
| • Gunggung | 3,691,09 km2 (1,42.514 sq mi) | ||
| • Urut laladan | 40th | ||
| Cacah warga (September 1, 2017) | |||
| • Gunggung | 1,348,930 | ||
| • Urut pepadhet | 30th | ||
| • Pepadhet | 365,46/km2 (94,650/sq mi) | ||
| Kodhe ISO 3166 | JP-29 | ||
| Situs wèb | www | ||
Prefektur Nara inggih punika satunggaling prefektur ingkang mapan wonten ing pérangan kilèn tengah Ujung Kii, Pulo Honshu, Jepang [1][2]. Kutha krajanipun punika Nara. Prefektur Nara dumadi nalika taun 1887 mapan ing wewengkon tilas Provinsi Yamato. Nara kathah dinggèni déning penglaju ingkang nyambut damel ing kutha Osaka ingkang tetanggan.
Sajarah
[besut | besut sumber]
Dumugi jaman Nara
[besut | besut sumber]Kutha krajan kuna Jepang mapan wonten ing Nara, wiwit saking Asuka-kyō, Fujiwara-kyō (694–710), lan Heijō-kyō (710–784). Astana kamaharajan kala punika ngirim utusan lan pelajar dhateng Dinasti Sui lan Dinasti Tang. Nalika abad kaping 7, Nara dados papan manggon kanggé para imigran, mliginipun imigran saking Baekje ingkang lumayu saking perang ing Ujung Koréa.
Zaman Heian
[besut | besut sumber]
Nalika taun 784, Kaisar Kammu nemtokaken supados mindhah kutha krajan dhateng Nagaoka-kyō ing Provinsi Yamashiro, nanging boten dangu bibar pamindahan mau lajeng ibu kotanipun dipunpindhah malih nalika taun 794 dhateng Heian-kyō minangka pratandha kawiwitanipun jaman Heian. Kuil-kuil ing Nara kelebet kekuwatan pulitik wonten ing papréntahan, saéngga Nara pikatuk jejuluk "kutha krajan kidul" (Nanto) kanggé mbédakaken kaliyan Heian-kyō ingkang mapan ing sisih lèr. Ngancik ing pungkasan jaman Heian, Taira no Shigehira, putra saking Taira no Kiyomori dipunpréntah déning bapakipun supados mbrantas kekuwatan mawi gaman saking kuil-kuil Buda Kōfuku-ji lan Tōdai-ji ingkang paring panjurung kelompok oposisi pimpinanipun Pangeran Mochihito. Awit saking punika wonten bentrokan antawisipun klan Taira lan gabungan kuil Nara nalika taun 1180 ingkang kapungkasan kanthi kobongipun Kōfuku-ji lan Tōdai-ji.
Nara abad tengahan
[besut | besut sumber]Ing puncak jayanipun klan Minamoto lan pambentukan Keshogunan Kamakura, pambangunan malih Nara pikantuk sokongan saking Minamoto no Yoritomo. Kōfuku-ji dados kuil kulawarga klan Fujiwara sarta kanthi de facto kuil utami ing Provinsi Yamato. Sesarengan kaliyan leresipun Kōfuku-ji lan Tōdai-ji, satunggaling kutha mekar ing antawisipun kalih kuil. Nara nglampahi kerisakan nalika jaman Nanboku-chō. Kaisar Go-Daigo ndadosaken Yoshino minangka markas perlawanan dhumateng kekuasaan Astana Lor. Rebutan kekuwaosan ugi kadadosan ing Kōfuku-ji ingkang kabelah dados ingkang njurung yang terbelah menjadi pendukung Pura Lor lan Astana Kidul dumugi Astana Kidul ngaku nyerah ing taun 1392.
Zaman Sengoku lan jaman Edo
[besut | besut sumber]Provinsi Yamato kacau malih nalika sedawaning jaman Sengoku. Tōdai-ji dipunobong malih nalika taun 1567, nalika Matsunaga Hisahide gadhah kekajengan ngrebut kekuwaosan saking klan Miyoshi ingkang dados majikanipun. Bibar naté dipunpréntah déning Tsutsui Junkei lan Toyotomi Hidenaga ingkang dipunangkat déning Toyotomi Hideyoshi, pungkasan Kutha Nara dipunpréntah déning Keshogunan Tokugawa [3].
Kutha
[besut | besut sumber]|
|
|
Cathetan suku
[besut | besut sumber]- ↑ Mengenal Prefektur di Jepang Archived 2012-12-10 at the Wayback Machine., (dipunakses tanggal 23 Fèbruari 2013)
- ↑ Jepang[pranala mati permanèn], (dipunakses tanggal 23 Fèbruari 2013)
- ↑ Jepang (sejarah) Archived 2013-11-26 at the Wayback Machine., (dipunakses tanggal 23 Fèbruari 2013)
Pranala njawi
[besut | besut sumber]
