Kagunan

Kagunan iku pérangan kabudayan kang ana gayutané karo wujud rasa apik utawa éndah. Rasa apik iku anané ing batin, ing pikiran manungsa. Kagunan iku fungsiné kanggo nyaluraké rasa éndah ing pikiran, tegesé, kagunan iku prosès nyiptaaké wujud-wujud kang ndadèkaké ati ngrasa seneng, puas, bungah kanggo memapki sisih batin/spiritual kauripan manungsa.

Sapérangan wong duwé anggepan yèn Kagunan iku mung pelengkap, Sajatiné kagunan iku wis ana kawit manungsa lair, dadi ing saben individu, jiwa kagunan iku tuwuh bareng karo èlmu sawenèh individu mau.

Fungsi kagunan iku kanggo ngalusaké perasaan, pikiran uga watek/kepribadian, lewih lanjut kanggo ngalusaké tingkah polah utawa tingkah laku manungsa. Kasil pribadi kang wis dibekeli rasa alus iku mengko dadi duwé sipat santun, toleran lan wicaksana. Mulane kawit cilik manungsa iku wis moali dibekeli momotan kagunan upamané liwat tembang bocah saking biyunge, tembang Tak Lelo Lelo Lelo Ledung contoné, utawa saking dongèng kang dicritaaken ramane. Fungsi liyané kanggo numbuhke sipat kreatif mligi ing bocah-bocah.

Dolanan iku donya kagunan bocah kang terus dilakoni nganti bocah iku melebu sekolah. Pelajaran nggambar ing sekolah iku cara kanggo nuwuhaké rasa kagunan ing jiwa bocah.

• Sastra, yaiku tembung silihan saka Basa Sansekerta; "śāstra", kang tegesé "tulisan" utawa "buku", saka tembung dhasar "śās-" kang tegesé "weruh". Ing basa Jawa, tembung iki racaké dianggo ngarani "kasusastran" utawa sajinising tulisan kang duwé arti utawa kaendahan tartamtu.
• Kagunan rupa,yaiku cabang kagunan kang wujud karya kagunanne bisa dipirsani/disawang lan bisa diraba. Kagunan rupa iku ngolah konsèp garis, babagan, wujud, volume, kelir, tekstur lan pencahayaan kang kabèh kudu manut aturan-aturan estetika.
• Kagunan pagelaran, yaiku jinising karya kagunan kang merlokaké panggung utawa pelataran kanggo nampilké kasil karya kagunanne.
• Dolanan Bocah yaiku wujud kagunan dolanan bocah-bocah cilik. Ing jaman saiki, dolanan mau suwéning suwé wis ora dikenal manèh, amarga kadhesek karo dolanan kang luwih modhèren.

Wujud kagunan iku lengkèt karo enggon utawa papan asal jinisé kagunan iku. Sifat, warna, gaya lan kabèh perangkat kagunan mesthi cocog karo enggon asalé kagunan iku.

• Kagunan Barat utawa kagunan bangsa kulon
• Kagunan Timur utawa kagunan bangsa wétan
• Kagunan Indonésia utawa kagunan khas bangsa Indonésia
• Kagunan Jawa utawa kagunan bebrayan {{wong Jawa|Jawa]]

Wikimedia Commons duwé médhia ngenani Art.