Sekolah Menengah Pertama
Sekolah menengah pertama (dicekak SMP), iku jenjang pendidikan dhasar sajeroning pendidikan formal ing Indonésia sawisé lulus Sekolah dhasar (utawa sadrajad). Sekolah menengah pertama ditempuh ing dalem 3 taun, wiwit kelas 7 nganti kelas 9.
Pelajar SMP lumrahé umur 12-14 taun. SMP kalebu program wajib belajar pamaréntah - ya iku SD (utawa sadrajad) 6 taun lan SMP (utawa sadrajad) 3 taun. Wiwit taun 2005 wis dicanangaké program wajib belajar 12 taun sing ngatutaké SMA ing sawatara laladan, contoné ing Kutha Ngayogyakarta lan Kabupatèn Bantul.[1]
SMP diadani déning pamaréntah utawa swasta. Wiwit lumakuné otonomi laladan ing taun 2001, pengelolaan SMP nagari ing Indonésia sing saduruné ana ing sangisoré Departemen Pendidikan Nasional, saiki dadi tanggung jawab pamaréntah laladan kabupatèn/kutha. Déné Departemen Pendidikan Nasional mung duwé peran minangka regulator sajeroning babagan standar nasional pendidikan. Sacara struktural, SMA nagari wujud unit pelaksana teknis dinas pendidikan kabupatèn/kutha.