Avertebrata

Avertebrata utawa Invertebrata iku istilah sing dicakaké déning Chevalier de Lamarck kanggo nuduhaké sato kéwan sing ora ndarbèni balung mburi. Invertebrata nyakup kabèh kéwan kajaba kéwan vertebrata (pisces, reptil, amfibia, manuk, lan mammalia. Conto invertebrata yaiku gegremet, uwur-uwur, hydra, nus, lan cacing. Invertebrata nyakup watara 97 persèn saka kabèh anggota kingdom Animalia.

Lamarck mérang invertebrata sajeroning rong golongan yaiku Insecta (gegremet) lan Vermes (cacing). Nanging saiki, invertebrata kapantha ing 30 sub-fila punjul wiwit saka organisme sing simpel kaya porifera lan cacing pipih nganti organisme sing luwih komplèks kaya mollusca lan arthropoda.

Ana 9 filum sajeroning klafisikasi avertebrata yaiku:

• Annelida
• Arthropoda
• Coelenterata
• Echinodermata
• Mollusca
• Nemathelminthes
• Platyhelminthes
• Porifera
• Protozoa

Panelitèn luwih jero ngenani taksonomi nuduhaké yèn akèh kéwan invertebrata sing kerabat luwih cedhak karo vertebrata tinimbang karo sapadha-padha invertebrata.