Bolah
Bolah (basa Indonésia:Benang) iku sawijiné serat kang dawa, dipigunakaké kanggo nggawé kain, kanggo njait, crochering, knitting utawa rajutan, kanggo nenun, lan nggawé tali.[1] Bolah digawé saka fiber sintètik utawa bahan kang alami.[1] Bolah digawé saka warni-warni fiber alami kaya ta wol, alpaca, wol Angora, katun, sutra, pring, hemp, lan soy.[1] Bolah ana uga kang digawé saka wulu onta, yak, possum, kucing, kirik, asu alas, kelinci, kebo, lan wulu kalkun.[1] Bolah kang didol lumrahé digawé saka fiber sintètik utawa campuran saka fiber sintétik utawa alami.[1].
Jinis-jinis bolah
[besut | besut sumber]- Bolah kanggo jait:
1.Bolah jait yaiku bolah kang dipigunakaké kanggo jait.[2] Alus kasaré bolah ditamtukaké miturut nomer bolah.[2] Saya dhuwur nomer bolah tansaya alus bolah mau.[2] Tuladhané bolah jait no. 60 luwih alus saka bolah no. 50 dan no. 40.[2]
- Bolah kanggo mernani busana:
1. Bolah mouline yaiku bolah kang duwé manéka warna disering/dipilin dadi siji saéngga bolah mouline uga mau bolah kluwung.[2] Bolah iki kanggo mernani busana utawa kain.[2]
2. Bolah melange (bolah serabut campur) yaiku bolah sing duwé manéka warna sing digawé karo cara dipintal.[2] Digunakaké kanggo mernani busana.[2]
3. Bolah yaspis yaiku bolah kang dipilin saka rong bolah sing durung dipilin saéngga wujudé kaya siji bolah bunder.[2] Digunakaké kanggo mernani busana.[2]
- Bolah kanggo rajutan => bolah wol yaiku bolah sing ana wuluné amarga digawé saka wulu domba sing dipintal.[3]
- Bolah mligi Kanggo mernani busana
1. Bolah logam yaiku bolah sing digawé saka logam sing dilapisi plastik utawa sawaliké plastik sing dilapisi logam.[3] Wjudé bolah kilong-kilong, ana rong warna yaiku bolah warna pérak lan bolah warna emas.[3] Lumrahé bolah warna emas kanggo mernani busana pengantèn utawa bedcover(spéi kandel) lan kanggo bahan tenunan, kaya déné tenun songkèt.[3]
2. Bolah karèt yaiku bolah kang bahané saka karèt kang wis diproses vulkanisasi.[3]
Jinis bolah kanggo nggawé kaos
[besut | besut sumber]- Bolah 208
Lumrahé dianggo yèn kepéngin nggawé kaos kang kandele kurang luwih 180 nganti 220 gram/ mèter persegi kanggo jinis rajutan single knitt.[4]
- Bolah 245
Benang kang kanggo nggawé kaos kang kandelé 170 nganti 210 gram/ mèter persegi kanggo jinis rajutan single knitt.[4]
- Bolah 30S
Bolah kanggo nggawé kaos kang gramasi bahan kaos antarané 140 nganti 160 gram/ mèter persegi kanggo jinis rajutan single knitt utawa gramasi 210 nganti 230 gram/ mèter persegi kanggo rajutan double knitt.[4]
Bolah wol
[besut | besut sumber]
Bolah wol yaiku bolah kang lumrahé kanggo ngrajut.[5] Ngrajut kalebu saka tradhisi Éropah.[5] Asil rajutan lumrahé wujud sweater, bonéka, syal, topi, bedcover, blazer lan liya-liyané.[5] Ing Indonésia bolah wol lumrahé kanggo nggawé kristik, sulaman,lan kembang-kembangan.[5]
Bolah Sutra
[besut | besut sumber]Bolah Sutra yaiku bolah kang digawé saka serat kepompong uler sutra.[6]
Cathetan suku
[besut | besut sumber]- ↑ a b c d e [Kadolph, Sara J.Textiles, 10th edition, Pearson/Prentice-Hall, 2007, ISBN 0-13-118769-4, halaman 203]
- ↑ a b c d e f g h i j http://akimee.com/jinis-jinis-benang-menjahit-artikel-195.html[pranala mati permanèn] (diundhuh tanggal 9 Agustus 2011)
- ↑ a b c d e http://anneahira.com/benang-jahit.htm Archived 2011-08-10 at the Wayback Machine. (diundhuh tanggal 9 Agustus 2011)
- ↑ a b c andalasclothing.com Archived 2023-10-07 at the Wayback Machine.(diundhuh tanggal 13 Juni 2011)
- ↑ a b c d ebahana.com Archived 2011-06-23 at the Wayback Machine.(diundhuh tanggal 13 Juni 2011)
- ↑ http://basa.cs.ui.ac.id/kbbi/kbbi.php?keyword=jahit&varbidang=all&vardialek=all&varragam=all&varkelas=all&submit=tabel[pranala mati permanèn] (diundhuh tanggal 18 Agustus 2011)
Pranala njaba
[besut | besut sumber]- Craft Yarn Council of America
- Standards & Guidelines for yarn, needle and hook labeling