Aksara Grantha

Grantha
Prasasti Grantha ing Candhi Bṛhadīśvara, India
Jinis	Abugida
Basa	Sansekerta
Kala	abad angka 6 M - saiki
Aksara babon	Brahmi Brahmi Kidul Pallawa Grantha
Aksara turunan	Tigalari Malayalam Sinhala
Aksara sadulur	Vatteluttu
Arah nulis	Kiwa manengen
ISO 15924	Gran, 343
Jeneng Unicode	Grantha
Larik Unicode	U+11300–U+1137F

Aksara Grantha (cara Tamil: Kiranta eḻuttu, cara Malayalam: Grantha lipi) ya iku aksara saka kulawarga aksara Brahmi sing sumrambah ing India Kidul kawit abad angka 6 nganti abad angka 20. Aksara iki tinurun saka aksara Brahmi sing ngrembaka ing wewengkon Tamil Nadu. Sing nganggo aksara iki adaté wong Tamil ing wewengkon Tamil Nadul lan Kerala saperlu nulisaké basa Sansekerta lan basa kuna Manipravalam. Aksara iki isih dianggo ing pamulangan-pamulangan Wéda tradhisional (cara Sansekerta: veda pāṭhaśālā).^[1] Aksara Malayalam iku turunan langsung aksara Grantha, samana uga aksara Tigalari lan aksara Sinhala.

Mundhak moncèré aksara Dewanagari kanggo nulisaké basa Sansekerta lan dhesekan politis gagasané Tanittamil Iyakkam^[2] kanggo nggantèni aksara iki mawa aksara Tamil njalari ora kanggoné manèh aksara iki ing wewengkon Tamil Nadu kawit abad angka 20. Masiya aksara iki isih urip, panganggoné mung winates ing pustaangka pustaka agama Hindhu ing Tamil Nadu.