Vermouth
Vermouth inggih punika salah satunggaling anggur fortifikasi ingkang sampun dipuntambah kaliyan manéka warna jinis bumbon crakèn ingakng raosipun pait, ing antawisipun inggih punika campuran saking Artemisia absinthium, adas manis, kina, kayu legi, biji ketumbar, cengkeh, quassia, kulit jeruk pahit, lan sanès- sanèsipun.[1] Sasampunipun medal tahap - tahapan prosès kados data dipunsimpen lan dipunsaring, asilipun inggih punika anggur vermouth ingakng wernanipun pethak (bening). Asal usulipun nama vermouth inggih punika saking tembung wermut basa Jerman kanggé nama tuwuhan semak A. absinthium.
Vermouth inggih ugi dipunginakakne kanggé campuran koktail utawi dipununjuk minangka aperitif. Cinzano, Martini & Rossi lan Noilly Prat inggih punika sapérangan merek vermouth ingkang utami.
Vermouth inggh kapérang saking kalih jinis, inggih punika vermouth Italia (vermouth manis utawi vermouth abrit) lan vermouth Perancis (dry vermouth utawi vermouth pethak). Vermouth Italia wernanipun inggih radi abrit déné vermouth Perancis wernanipun inggih punika radi semu kuning. Ing padatanipun, vermouth Italia padatanipun inggih ngewrat kadar alkohol ing antawisipun saking 16% - 18% lan kadar gendhis ipun inggih ing antawisipun 4% - 16%. Déné vermouth Perancis inggih ngewrat kadar alkohol ngantos 18% lan kadar gendhisipun ngantos 4%.[2]
Sajarah
Rempah ingkang paling wigati kanggé damel vermouth inggih punik semak Artemisia absinthium ingkang saged tuwuh minangka tetuwuhan taunan ing Éropah lan Asia. Ron tuwuhan punika inggih dipunkum rumiyin wonten ing salebetipun anggur, lan Hippokrates wonten ing taun 500 SM dipunparingi panyaruwé minangka obat reutisme lan sakit kuning. Wonten ing jaman Abad Renaisans, vermouth dipunsadé ing apotèk minangka obat ing Inggris.[3]
Prodhusèn vermouth ingkang utami inggih punika satunggaling kawasan Piemonte ing Italia. Pendhudhuk ing mrika sampun damel vermouth wiwit pungkasaning abad kaping pitulas. Wonten ing taun 1786, Antonio Benedetto Carpano wiwit masaraken anggur kanthi aroma rempah (vermouth) ingkang dipunwedalaken ing Torino.[4]
Prodhusèn vermouth ingkang paling ageng ing dunya inggih punika Martini & Rossi ingkang asalipun saking Torino. Martini & Rossi wiwit sepisanan prodhuksi ing taun 1863, déné Cinzano inggih wiwit prodhuksi sepisanan ing taun 1816.
Ing purwakanipun, vermouth dipundamel saking anggur abrit, annging wiwit udakawis taun 1800, ingkang damel anggur wonten ing tlatah Marseille wiwit damel vermouth pethak saking anggur pethak. Lan ing taun 1813, ahli rempah- rempah ingkang asma Joseph Noilly inggih sepisanan wiwit damel dry vermouth utawi vermouth Perancis. Lan ing taun 1855, putranipun Joseph Noilly ingkang asma Claudius Prat inggih mrodhuksi merek Noilly Prat.
Koktail saking vermouth
- Bronx: gin, dry vermouth, vermouth manis, lan sari buah jeruk[5]
- Martini: gin lan dry vermouth
- Manhattan: wiski gandum ireng, wiski Kanada, sweet vermouth, lan angostura bitter
- Rob Roy: wiski Sekotlan lan vermouth manis
- Vesper Martini: gin, vodka, lan anggur Lillet Blanc.
Cathetan suku
- ↑ Montagné, Prosper (1961). Larousse Gastronomique. London: Hamlyn. kc. 997. ISBN 0-600-02352-4.
- ↑ Jackson, Ron S. (2000). Wine Science: Principles, Practice, Perception. Academic Press. ISBN 0-1237-9062-X.
{{cite book}}: Unknown parameter|pag e=ignored (pitulung) - ↑ Cordell, Barnaby (1995). The Martini: An Illustrated History of an American Classic. Chronicle Books. kc. 126. ISBN 0-8118-0717-7.
- ↑ Clarke, Paul (23 Maret 2013). "The Truth About Vermouth: The secret ingredient in today's top cocktails remains misunderstood". San Francisco Chronicle. Dibukak ing 23 Maret 2013.
- ↑ "Cara membuat vermouth". Diarsip saka sing asli ing 2010-12-23. Dibukak ing 2013-03-23.