Syahrini
| Syahrini | |
|---|---|
 | |
| Lair | Fatimah Syahrini Zailani Agustus 1, 1980 Sukabumi, Jawa Barat, Indonesia |
| Bangsa | Indonesia |
| Pakaryan | Penyanyi, Artis |
| Bojo | Reino Barrack |
Syahrini, penyanyi lair ing kutha Sukabumi, Jawa Barat tanggal 1 Agustus 1980.[1][2] Lulusan saka Universitas Pakuan kutha Bogor jurusan Hukum.[1] Tanggal 8 Juli 2010, Syahrini olèh gelar bangsawan saka karaton Surakarta ya iku Kanjeng Mas Ayu.[1] Diwènèhi gelar ing Bangsal Kansetanan kang dibawahi Kanjeng Gusti Pangéran Haryo Puger.[1]
Karir
Dikenal dadi penyanyi anyaran.[1] Album kapisan anak tengah saka 3 sanak iku dirilis taun 2008 kang judhulé MY LOVELY.[1] Tembang kang dadi unggulan judhulé Bohong saka album MY LOVELY.[1][2] Album kang kaping loro dirilis ning sasi Mèi 2009, kang ngunggulké tembang Pusing Setengah Mati.[1], kerjasama karo Dewiq kang dikenal dadi penyanyi lan kang ngréka tembang uga.[2]
Syahrini dikenal dadi artis kang waninan, tampil sènsual nalika manggung.[1] Disengkuyung karo suarané kang merdu lan empuk, Syahrini uga nganggo désahan kemayu nalika nembangaké lagu, klambiné uga seksi.[1] Jeneng Syahrini tambah kondhang nalika dhèwèké diajak Anang Hermansyah kanggo nembang bareng nembangaké tembangan anyar kang judhulé ''Jangan Memilih Aku'' diripta déning Anang Hermansyah.[1] Pertengahan April 2010, Syahrini kaliyan Anang ngrampungaké vidio klip kang digawé bareng, ngunggulaké tembang kang judhulu Cinta Terakhir.[1] Gawéné vidhio klip iku ning Bali.[1] Kawasan Pasisir Seminyak lan kawasan wisata air Tanjung Benoa, Nusa Dua, Bali.[1] Kariré Syahrini karo Anang Hermansyah kondhang nganti nagara Kuala Lumpur, ning Kuala Lumpur dirilis manèh album kang temané Jangan Memilih Aku, Senin 24 Mèi 2010.[1] Kanggo nyambut bulan Ramelan taun 2010, Syahrini karo Anang Hermansyah ngrilis album manèh kang temané Religius.[1] Album religius mau dirilis ning akir sasi Juli taun 2010.[1]
Diskografi
- "Kau Yang Memilih Aku"
- "Aku Tak Biyasa"
- "Jangan Memilih Aku" (2010 - duet karo Anang Hermansyah)
- Ost. "Coklat Stroberi" (2007)
- "My Lovely" (2008)
- "Pusing 1/2 Mati" (Single Taun 2009)
Filmografi
- "The Maling Kuburans" (Taun 2009)